Morgunblaðið - 10.05.2001, Síða 20

AKUREYRI
20 FIMMTUDAGUR 10. MAÍ 2001 MORGUNBLAÐIÐ
SJÖFN hf. á Akureyri og Olíuversl-
un Íslands hf. hafa gert með sér víð-
tækan samstarfssamning um fram-
leiðslu, sölu og dreifingu á
hreinlætisvörum. Samningurinn hef-
ur í för með sér aukin umsvif hjá
Sjöfn. Með samningnum verða Sjöfn
og OLÍS stærsti þjónustuaðilinn
með þessar vörur við íslenskan sjáv-
arútveg.
Samkvæmt samningnum hættir
OLÍS innflutningi á hreinsiefnum, en
mun þess í stað annast sölu og mark-
aðssetningu á framleiðsluvörum
Sjafnar til útgerða og fiskvinnslufyr-
irtækja á öllu landinu. Jafnframt
verða framleiðsluvörur Sjafnar til
sölu í verslunum og þjónustumið-
stöðvum OLÍS. Sjöfn mun beina við-
skiptum á rekstrarvörum og hráefn-
um til OLÍS.
Í samningnum kemur einnig fram
að sérfræðingar Sjafnar munu vinna
með söludeildum OLÍS við tækni-
lega ráðgjöf varðandi val og með-
höndlun þvottaefna og gerð þrifalýs-
inga fyrir viðskiptavini.
Baldur Guðnason, framkvæmda-
stjóri Sjafnar, segir að þessi samn-
ingur við OLÍS sé mikilvægur áfangi
í að efla stöðu fyrirtækisins á hörðum
samkeppnismarkaði. Baldur segir
samninginn víðtækan og að hann hafi
í för með sér aukin umsvif Sjafnar á
Akureyri. Með því að hætta innflutn-
ingi hreinsivara og taka upp viðskipti
við Sjöfn styðji OLÍS innlenda fram-
leiðslu og atvinnusköpun á Akureyri.
Jón Halldórsson, framkvæmda-
stjóri markaðssviðs stórnotenda hjá
OLÍS, segir samninginn hagstæðan
fyrir bæði OLÍS og Sjöfn – hags-
munir fyrirtækjanna séu gagn-
kvæmir.
Í tengslum við samning Sjafnar og
OLÍS mun m.a. Samherji hf. kaupa
hreinsiefni frá Sjöfn og segist Baldur
Guðnason, framkvæmdastjóri Sjafn-
ar, fagna því að stærsta sjávarút-
vegsfyrirtæki landsins muni nú
kaupa þessar vörur frá Sjöfn.
Kristján Vilhelmsson, útgerðar-
stjóri Samherja hf., segir ánægjulegt
að OLÍS og Sjöfn hafi tekið höndum
saman um framleiðslu og markaðs-
setningu hreinsiefna. Samherji hf.
hefur síðustu ár keypt hreinsiefni af
OLÍS og þar áður Sjöfn. Kristján
sagði jákvætt að Samherji keypti
þessar vörur af innlendum framleið-
anda og tæki í leiðinni þátt í að efla
vaxandi framleiðslufyrirtæki á Akur-
eyri.
Sjöfn og OLÍS gera samning um hreinlætisvörur
Hefur í för með sér
aukin umsvif hjá Sjöfn
STÆRRI-ÁRSKÓGSKIRKJA:
Aðalsafnaðarfundur verður í
kirkjunni í kvöld, fimmtudagskvöld-
ið 10.maí, og hefst hann kl. 20:00.
Kirkjustarf
ÁHUGAHÓPUR um uppbyggingu
í Hlíðarfjalli við Akureyri sem
kallar sig Vinafélag Skíðastaða
boðar til borgarafundar í Alþýðu-
húsinu í Skipagötu, 4. hæð, í kvöld,
fimmtudag, kl. 20.
Á fundinum á m.a. að velta upp
þeirri umræðu hvernig hægt er að
tengja skíðasvæðið í Hlíðarfjalli
enn frekar við ferðaþjónustu í
bænum. Einnig verður leitað svara
við því hvaða hugmyndir eru uppi
hjá bæjaryfirvöldum varðandi
frekari uppbyggingu í fjallinu.
Frummælendur eru Guðmundur
Árnason og Erling Ingvarsson,
sem báðir reka gistiheimili í bæn-
um, Jóhannes Jónsson í Bónus,
Guðmundur Karl Jónsson, for-
stöðumaður Skíðastaða, og Alex-
ander Kárason vélsleðakappi.
Eins og fram hefur komið hefur
verið gífurleg aðsókn í Hlíðarfjall í
vetur og var ferðafólk víðs vegar
af landinu þar mjög fyrirferðar-
mikið. Þá hefur aldrei verið opið í
jafnmarga daga í fjallinu á einum
vetri og einmitt nú. Skíðavertíð-
inni er hins vegar lokið að þessu
sinni.
Fundurinn er öllum opinn og
eru áhugasamir hvattir til að
mæta.
Vinafélag
Skíðastaða
boðar til borg-
arafundar
OLÍS við Tryggvabraut á Akureyri
mun frá og með deginum í dag, 10.
maí, bjóða sama verð á 95 oktana
bensíni á einni sjálfsafgreiðsludælu
og Orkan býður.
„Við ætlum að taka þátt í leiknum,
spila með og sjá hver þróunin verð-
ur,“ sagði Páll Baldursson útibús-
stjóri OLÍS á Akureyri. OLÍS hefur
síðustu daga séð á eftir nokkrum við-
skiptavina sinna yfir til Orkunnar og
hyggst félagið mæta því með þessum
hætti.
Páll sagði að ein 98 oktana dæla
yrði tekin úr umferð og sett á hana
95 oktana bensín sem yrði á sama
verði og samskonar bensín hjá
Orkunni sem er á Hagkaupsplaninu
ekki langt undan. Þannig verður um
að ræða sjálfsafgreiðslu án sjálfsala,
en viðskiptavinir greiða fyrir inni í
afgreiðslu OLÍS. "Það er mun þægi-
legra að tala við fullvaxinn norðan-
mann en mállausan sjálfsala að
sunnan frá Orkunni," segir Páll.
Hann sagði að grannt yrði fylgst
með verðbreytingum hjá Orkunni
sem er eina sjálfsafgreiðslustöðin á
Akureyri og ef verðið þar lækkaði
myndi OLÍS fylgja í kjölfarið. „Ork-
an hefur fram til þessa ekki haft
neina samkeppni á Akureyri en það
breytist við þessa ákvörðun okkar.
Ég yrði heldur ekki undrandi þótt
fleiri stöðvar fylgdu á eftir, þannig
að segja má að verðstríðið sem háð
hefur verið á markaðnum syðra nái
nú norður til Akureyrar,“ sagði Páll.
Ástandið hefur fram til þessa verið
með þeim hætti að bensín hefur ver-
ið selt á sama verði á öllum bens-
ínstöðvum í bænum, en Orkan hefur
boðið lægra verð en stöðvar þar sem
starfsmenn sjá um að dæla bensíni á
bílana.
OLÍS hyggst bjóða
sama verð og Orkan KRAKKARNIR á Leikhólum mættuskrautlegir föstudag einn fyrir
skömmu, en þá var náttfatadagur
hjá þeim. Eins og myndin sýnir
voru krakkarnir hressir enda
fannst þeim skemmtileg tilbreyting
að mæta svona klæddir. Ekki
skemmdi fyrir að Helgi Reynir
Árnason, snjósleðakappi, mætti á
svæðið og ræddi við krakkana. Það
var engu líkara en að hann væri
goð í þeirra augum.
Náttfata-
dagur í leik-
skólanum
Ólafsfirði. Morgunblaðið.
Morgunblaðið/Helgi Jónsson
Ánægð börn á náttfatadegi í leikskólanum í Ólafsfirði.
TÖLUVERÐUR urgur er í
slökkviliðs- og sjúkraflutninga-
mönnum á Akureyri vegna launa-
kjara þeirra og þá sérstaklega á
meðal varðstjóra. Ingimar Eydal
varðstjóri hjá slökkviliðinu á Ak-
ureyri sagði að í þeirri kjaravinnu
sem nú standi yfir séu stjórnendur
bæjarins að stuðla að því að
slökkviliðsmenn á Akureyri fái
lægri laun en kollegar þeirra fyrir
sunnan.
„Það finnst okkur ansi skrýtið
miðað við þær yfirlýsingar að Ak-
ureyri sé ekki láglaunasvæði.
Staða stöðvarstjóra í Reykjavík er
sambærileg stöðu varðstjóra á Ak-
ureyri en hins vegar er verið að
bjóða varðstjóra á Akureyri 9
launaflokkum lægri laun en stöðv-
arstjóranum í Reykjavík. Þetta
finnst okkur blóðugt og það er
urgur í mannskapnum.“
Ingimar sagði það ekkert laun-
ungarmál að það þyrfti ekki mikið
að gerast til að kjarninn í slökkvi-
liðinu á Akureyri hætti störfum.
„Menn geta ekki verið í þessu
starfi af hugsjón. Ég get verið í
hjálparsveitinni af hugsjón en þarf
að fá boðleg laun fyrir mína
vinnu.“
Urgur í
slökkviliðs-
mönnum á
Akureyri
♦ ♦ ♦
♦ ♦ ♦
FIMMTÁN styrkir voru veittir úr
Menningarsjóði KEA árið 2001 en
alls bárust 23 umsóknir um styrki
að þessu sinni. Tilkynnt var um út-
hlutunina á aðalfundi KEA sl.
laugardag. Hver styrkur er að
upphæð 130 þúsund krónur, eða
samtals að upphæð 1.950.000 krón-
ur.
Þeir aðilar sem fengu styrki
voru: Skógræktarfélag Eyfirðinga,
Kór Akureyrarkirkju, Aðalheiður
S. Eysteinsdóttir, Leikhúskórinn,
Helgi Þór Ingason, Friðrik Ómar
Hjörleifsson, Félag eldri borgara
Dalvíkurbyggðar og Hríseyjar,
Þuríður Baldursdóttir. Karlakór-
inn Hreimur, séra Sighvatur
Karlsson, Rósa Kristín Baldurs-
dóttir, Kolbrún Bjarnadóttir,
Hannes Garðarsson, Hjörleifur
Hjartarson og Ingibjörg Hjartar-
dóttir og Leikklúbburinn Saga.
Fimmtán
styrkir
úr menn-
ingarsjóði
Aðalfundur KEA
♦ ♦ ♦