Morgunblaðið - 10.05.2001, Qupperneq 25

LANDIÐ
MORGUNBLAÐIÐ FIMMTUDAGUR 10. MAÍ 2001 25
Stykkishólmi - Öflugt starf er hjá
frjálsíþróttadeild Snæfells í Stykk-
ishólmi. Í vetur hafa verið stundaðar
æfingar hjá yngri flokkum og krakk-
arnir sýnt mikinn áhuga. Nú var
komið að lokum innanhússæfinga. Á
síðustu æfingunni var breytt út af
venju og haldið upp á lokin.
Þjálfararnir Hilmar, Anna Jóna
og Elín fóru með hópinn í sund og á
eftir var horft á myndband og boðið
upp á pitsu.
Þrátt fyrir ungan aldur leiðbein-
endanna hafa þeir staðið sig vel og
tekið þátt í 2 leiðbeiningarnámskeið-
um á vegum Í.S.Í. Þekkingin sem
þeir fengu þar hefur komið að góðum
notum við þjálfunina.
Þessi hópur ætlar að halda áfram í
sumar að æfa frjálsar íþróttir. Ráð-
inn hefur verið nýr þjálfari Einar
Þór Einarsson, sem er að flytja í
Stykkishólm. Hann mun einnig taka
að sér þjálfun hjá öðrum félögum á
Snæfellsnesi.
Unglingalandsmót UMFÍ verður
haldið í Stykkishólmi næsta sumar
og eru krakkarnir staðráðnir í því að
standa sig vel á því móti og hafa þeg-
ar sett stefnuna á það.
Morgunblaðið/Gunnlaugur Árnason
Því var fagnað að vetraræfingum hjá frjálsíþróttakrökkunum í Stykk-
ishólmi er lokið. Hópurinn sem æfði frjálsar íþróttir í vetur ásamt þjálf-
urum sínum, þeim Hilmari, Önnu Jónu og Elínu.
Frjálsar íþróttir vinsælar
á Snæfellsnesi
Borgarnesi - Knattspyrnuiðkendur
í Borgarnesi eru nú farnir að æfa
utanhúss en því miður er vall-
araðstaðan ekki söm og áður og
hafa margir af því áhyggjur.
Borgarnes hefur lengi verið
þekkt fyrir góða íþróttaaðstöðu;
fyrsta flokks sundlaug, íþróttahús
og glæsilegan íþróttavöll. Mörgum
íþróttaunnendum er í fersku minni
vel heppnað Landsmót Ungmenna-
félaganna sem haldið var í Borg-
arnesi sumarið 1997. Nú er farið að
sverfa að þessari ímynd. Malarvöll-
urinn í Borgarnesi sem lengi var
talinn einn besti malarvöllur lands-
ins hefur verið styttur um 15-20
metra vegna nýbyggingar Versl-
unarmiðstöðvar KB og er ekki
lengur nothæfur til að spila þar
fullgilda leiki. Undanfarin ár hafa
allir flokkar Skallagríms leikið 4-5
leiki í Faxaflóamótinu í maí og
fyrstu dagana í júní, jafnframt því
sem meistaraflokkurinn spilar í
deildarbikarkeppninni. Þetta hefur
það í för með sér að Skallagrímur
verður að spila alla leikina á útivelli
eða þangað til leyft verður að spila
á grasvellinum, sem er yfirleitt
ekki fyrr en um miðjan júní. Gunn-
ar M. Jónsson þjálfari yngri flokka
Skallagríms hefur áhyggjur af
þessu því ef malarvöllurinn hverfur
alveg án þess að önnur æfingaað-
staða komi í staðinn, er búið að
stytta æfingatímabilið fyrir knatt-
spyrnuiðkendur um 1-2 mánuði eft-
ir því hvernig viðrar. Stefán
Kalmansson bæjarstjóri Borg-
arbyggðar segir að ekki standi til
að gera nýjan malarvöll í Borg-
arnesi og bendir á að á Varmalandi
sé malarvöllur sem megi nota ef
spila á heimaleiki. Hins vegar sé á
áætlun að gera 2-3 sandgrasvelli
sem hægt sé að nota allt árið til æf-
inga og verður væntanlega byrjað á
þeim fyrsta á næsta ári.
Enginn veit
hvað átt
hefur fyrr
en misst
hefur!
Morgunblaðið/Guðrún Vala Elísdóttir
Malarvöllurinn hefur verið styttur talsvert vegna nýbyggingar KB.
VIÐSKIPTI mbl.is
Bleikt, bleikt, bleikt......
og sumarlegt
Álfheimum 74, sími 568 5870
Nýir litir, nýtt krem og nýjar grennandi líkamsvörur verða
kynntar í dag, föstudag og laugardag.
Stór og glæsileg snyrtitaska með mörgum
hólfum fylgir kaupum.
Úrval af
úlpum og
stuttum
frökkum
Kringlunni, sími 588 1680 og
v/Nesveg Seltjarnarnesi, sími 561 1680
iðunn
tískuverslun