Réttur - 01.02.1925, Page 42

44
Rjettur
þó þau í einstökum föllum hafi óbundin ákvörðunarrjett, eins
og t. d. riftingu á uppsögn.
Austurríki
hefir að flestu leyti tekið sjer rekjtursráðalöggjöf Þýskalands
til fyrirmyndar. þó hafa austurísku ráðin meiri ákvörðunar-
rjett um verksamninga (Akkord). Ráðin geta lagt ágreining,
er rís út af slíkum samningum, undir gerðadóm, er ráðin til-
nefna. í annan stað hafa austurrísku ráðin takmarkaðra vald-
svið um brottrekstur verkamanna, miðað við gildandi ákvæði
í því efni í Rýskalandi, sem hjer að framan hefir verið laus-
lega lýst.
í Czekoslowakiu
var árið 1919 samþykt lög um rekstursráð í námunum þar
í landi. Lög um stofnun ráða í öðrum atvinnurekstri voru
samþykt 1921, og draga þau mjög dám af samskonar lögum
í Austurríki og Pýskalandi.
í Noregi
hafa verkamenn um nokkurt skeið haft trunaðarmenn sína
við ýmsan atvinnurekstur. Árið 1918 var þar í landi skipuð
nefnd manna, er athuga skyldi hlutdeild verkamanna í ýmsum
atvinnugreinum. Nefnd sú klofnaði, en meiri hluti hennar,
er skipaður var verkamönnum, lagði til að stofnuð yrði
rekstrarráð. Eftir álíti meiri hlutans, átti starfssvið ráðanna
að vera mjög yfirgripsmikið, og þau að hafa ákvörðunarrjett
í ýmsum atriðum, en ráðgefandi í öðrum. Minni hluti
nefndarinnar vildi að vísu stofna til rekstursráða, en hafa
vald þeirra eingöngu ráðgefandi og verksvið þeirra mjög
takmarkað.
Um vorið 1920 hófust miklar atvinnudeilur í Noregi og
voru rekstursráðin þá eitt ágreitiingsatriðið milli atvinnurek-
enda og verkamanna. Hinir síðarnefndu vildu láta þá þegar
koma ráðunum á, eftir tillögum meirihlutans, og stofnuðu
sjálfir til rekstursráða í ýmsum atvinnugreinum. Eftir allmikið