Réttur - 01.07.1951, Page 52

196
RÉTTUR
náttúrulega áframhaldandi og auknum stuðningi peningavalds-
ins bæði í VesturEvrópu og Ameríku við þessi öfl öll.
En það er athyglisvert að þegar borgaralegir rithöfundar skrifa
um þetta tímabil þá reyna þeir eftir mætti að draga blæju friðar
og mannkærleika yfir þessa stefnu hinna borgaralegu lýðræðis-
' ríkja. Sannleikurinn er sá, að þetta er ein af meiri háttar fölsun-
um sögunnar og eru þær þó margar.
I sinni frægu bók Mein Kampf, sem var nokkurs konar pólítisk
biblía Nasistaflokksins segir Hitler m. a. þetta.
„Við Nationalsósíalistar erum ákveðnir í að slá striki yfir
hina pólítisku utanríkisstefnu fyrri tíma. Við byrjum aftur, þar
sem endað var fyrir 600 árum síðan. Við stöðvum hina sífelldu
herferð Germana til suðurs og vesturs og snúum augum vorum
til austurs. Við gerum skjótan endi á fyrri tíma nýlendu og verzl-
unarpólitík og snúum okkur að landvinningapólitík framtíð-
arinnar.
Þegar við í dag tölum um landvinninga í Evrópu, þá hugs-
um við fyrst og fremst til Rússlands og nágrannaríkja þess“.
Þetta var skrifað áður en nasistar náðu völdum En fulltrúar
og eigendur einokunarfjármagnsins og auðhringanna voru ekki
lengi að finna bragðið og sjá að þarna var maður, sem hægt var
að nota í herferðinni gegn kommúnismanum. Það leið heldur ekki
á löngu þar til peningarnir tóku að streyma í sjóð nasistaflokks-
ins þýzka.
Hinn 27. jan. 1931 hélt Hitler fræga ræðu í Iðnaðarklúbbnum
í Diisseldorf og talaði fyrir iðnaðarkóngum og peningafurstum
Ruhr-héraðsins. Þeir fögnuðu ákaft er Hitler sagði þessa frægu
setningu. „Kommunisminn er efnahagslega hliðin á hinu pólitíska
lýðræði“. Ástandið í Þýzkalandi var orðið þannig, að hið póli-
tíska lýðræði og sérhagsmunir auðkónganna gátu ekki þrifizt
bæði. Þess vegna kom auðkóngunum vel að fá ástæðu til þess að
afnema lýðræðið. Kommúnisminn var í þeirra augum tilvalin
ástæða ef hægt var að bendla lýðræðið við hann. Þess vegna sáu
þeir að Hitler var einmitt maðurinn sem þeir þurftu á að halda.
Fritz Thyssen aðalleiðtogi stálhringsins þýzka sagði að ræðan