Réttur - 01.07.1951, Side 79

RÉTTUR
223
líkunum á að ná takmarki sínu með því að koma að óvörum,
ef hann drægi innrásina á langinn.
í morgunsárinu 9. apríl kom brjóstfylking þýzka innrásarhers-
ins, að mestu leyti um borð í herskipum, til mikilvægustu hafna
Noregs, allt frá Osló norður til Narvíkur, og náði þeim á sitt vald
án teljandi fyrirstöðu. Fyrirliðar hersins tilkynntu norsku bæjar-
stjórnunum, að þeir væru þar komnir til að taka Noreg undir
verndarvæng sinn vegna væntanlegrar innrásar bandamanna —
fullyrðing, sem talsmenn bandamana neituðu afdráttarlaust og
héldu áfram að neita.
Hankey lávarður, sem um þetta leyti átti sæti í stríðsráðuneyt-
inu, hefur látið svo um mælt: „Allt frá því, að fyrstu drögin voru
gerð að áætlun þessari, og þar til Þjóðverjar réðust inn í Noreg,
varð löngum ekki á milli séð, hvorum gengi betur í undirbúningi
sínum Bretlandi eða Þýzkalandi. Bretland hóf að vísu undirbún-
ing herferðar sinnar litlu fyrr .... Lokið var við báðar áætlan-
irnar nær jafnsnemma, þó að Bretland leggði sólarhring fyrr upp
í árás sína, ef svo má að orði kveða um nokkurn aðilanna." Þýzka-
land varð samt sem áður snarpara í tilhlaupi sínu og vann með
„sjónarmun", — en í því hlaupi má segja, að minnstu munaði,
að skera yrði úr um úrslitin eftir ljósmynd.
Eitt hið furðulegasta við réttarhöldin í Niirnberg var, að gerð
og framkvæmd áætlunarinnar að árásinni á Noreg birtist á dag-
skrá, sem einn fyrsti liður ákærunnar á hendur Þjóðverjum. Tor-
skilið er, að enska og franska stjórnin skyldu áræða að taka
þetta með sem lið í ákærunni og ákærendur þeirra heimta ákærða
dæmda vegna þessara atburða. Þetta er eitt hróplegasta dæmi
skinhelgi, er nokkru sinni hefur verið skjalfest.
Hvað sjálfa herförina snertir, er það undrunarefni að komast
að raun um, hve lítill herafli það var, er í upphafi leifturárásar-
innar tók herskildi höfuðborg Noregs og helztu hafnir. Hann
taldi 7 beitiskip, 14 tundurspilla, allmörg hjálparskip og 10 þúsund
hermenn, framvarðarsveitir herfylkjanna þriggja, sem alls mynd-
uðu innrásarherinn. Hvergi var í fyrstu atrennu sett meira lið á
land en 2 þúsundir manna. Flugvellirnir í Osló og Stavanger voru