Andvari - 01.01.1993, Blaðsíða 79

ANDVARI
EVRÓPUBANDALAGIÐ
77
milljónum ECU á ári til þessarar áætlunar en það jafngildir um tveimur og
hálfum milljarði íslenskra króna á ári.
Þá má nefna áætlun þá sem nú gengur undir nafninu SCIENCE og er
víðtæk rannsóknar- og þróunaráætlun. Árlega eru veittar um 40 milljónir
ECU til verkefna á vegum áætlunarinnar og jafngildir það rúmlega 3,2
milljörðum íslenskra króna. Innan vébanda þessarar áætlunar eru verkefni
eins og ESPRIT (European Strategic Programme for Research and Devel-
opment in Information Technology) sem rúmar allt frá örtölvutækni til
dagskrárgerðar í útvarpi og sjónvarpi enda hefur þetta verkefni fengið
mest fjármagn úr að spila af öllum samstarfsverkefnum EB. Einnig má
nefna verkefni eins og RACE (Research and Development of Advanced
Communication Technologies in Europe), AIM (Advanced Informatics in
Medicine in Europe), DELTA (Developing European Learning through
Technological Advance), BRITE (Basic Research in Industrial Technolog-
ies for Europe) og DRIVE (Dedicated Road Infrastructure for Vehicle
Safety in Europe).
EB og umheimurinn
í umræðu hér á landi um samvinnu Evrópuríkja og EB er sjaldan litið um
öxl og hugað að svipuðum eða sambærilegum fyrirbærum fyrri tíðar. Lítið
hefur verið hugað að sögulegum staðreyndum og ekki horft víðar en á
þetta afmarkaða fyrirbæri í heimsviðskiptunum: ríkjabandalag 12 Evrópu-
ríkja með um 325 milljónir íbúa. Kemur þetta ekki á óvart. Heimssaga Evr-
öpulanda eða evrópsk mannkynssaga hefur lengi verið saga Evrópumanna
einna. Auk þess hefur ríkjum EB á fáum árum tekist að fá marga til að
trúa því að þessi 12 ríki væru Evrópa og Evrópa væri ekki annað en EB
enda þótt ríki Evrópu séu nær 50 talsins og íbúar um 700 milljónir.
Sagt er að ekkert sé nýtt undir sólinni og að sagan endurtaki sig í sífellu
þótt myndirnar séu breytilegar frá einum tíma til annars. Pólitísk bandalög
~ °g þar með viðskipta- og myntbandalög svo og hernaðarbandalög - eru
gömul í Evrópu og hafa orðið til með ýmsum hætti. Sum hafa enst lengi,
önnur skemur eins og gefur að skilja. Sum hafa orðið til á skömmum tíma
fyrir tilstuðlan áhrifamikilla manna, önnur hafa þróast smátt og smátt og
enn önnur hafa orðið til vegna samninga tveggja eða fleiri ríkja.
I umræðunni um EB hér á landi virðist einnig algengt að álíta að heims-
yerslun framtíðarinnar - svo og þróun lýðræðis og mannréttinda - muni
lúta reglum og lögum sem EB hefur sett eða muni setja. Mönnum virðist