Andvari - 01.01.1956, Side 20

16
Guðmundur Gíslason Hagalín
ANDVARI
áhrifamaður þess var hann miklu lengur. Hann tók mikinn þátt
í umræðum og hafði framsögu í ýmsum hinna merkustu mála,
sem um var fjallað. Það kom svo eins og af sjálfu sér, að hann
varð í fylkingarbrjósti á hinurn opinbera vettvangi. Hann var
kosinn i fyrstu stjórn Landvamarflokksins, en í henni áttu sæti
fimm menn. Voru það, auk Benedikts, Jón Jensson, Bjami Jóns-
son frá Vogi, Einar Benediktsson og Guðmundur Magnússon
læknir. Llm áramótin 1902—3 varð Benedikt ritstjóri blaðsins
Landvarnar, ásamt þeim Einari Benediktssyni og Einari Gunn-
arssyni, sem var sonarsonur Einars Asmundssonar í Nesi og
mikill vinur Benedikts. Ekki komu út nema fá tölublöð af Land-
vöm, en í öndverðum janúarmánuði árið 1905 varð Benedikt
ritstjóri Ingólfs og gegndi því starfi í fimm ár að því sinni.
Benedikt reyndist ritfær með ágætum, skrifaði hreint mál
og fagurt, var allorðhvass, en aldrei grófyrtur, forðaðist mælgi
og kunni vel að haga þannig framsetningu efnis, að jöfnum
höndum væri skírskotað til vitsmuna og tilfinninga. Hann varð
og fljótlega viðurkenndur sem áhrifamesti ræðumaður Land-
varnarmanna, og höfðu þeir þó á að skipa á þeirn vettvangi shk-
um mönnum sem Einari Benediktssyni og Bjarna Jónssyni frá
Vogi. í ræðum Benedikts komu fram hinir sömu eiginleikar og í
greinum þeim, er hann skrifaði um þau mál, sem honum þóttu
mikilsverðust, en þó beitti hann meira í ræðunum tilvitnunum
í bókmenntir íslendinga, og virtust honum ævinlega tiltæk til-
svör eða ljóðlínur, sem bezt áttu við. Og þó að ekki sé tekið
tillit til orðfæris, naut hann sín enn betur á ræðupalli en á vett-
vangi hins ritaða máls. Hann var hár maður vexti og herði-
breiður, teinréttur og hinn karlmannlegasti, fríður sýnum, svip-
mikill og sviphreinn, skörulegur og drengilegur. Hann flutti mál
sitt röggsamlega og prúðmannlega, aldrei af æsingi, en liins vegar
yljað innri glóð. Röddin var sérkennileg, en viðfelldin, há, hreim-
mikil, en þó mjúk.
Um stefnu Ingólfs segir svo í fyrsta tölublaðinu, sem út koin
undir stjórn Benedikts Sveinssonar: