Menntamál - 01.12.1954, Page 131

MENNTAMÁL
165
um skólum og' kennslubókum og handbókum kennara, voru
þær flestar frá Bretlandi og Norðurlöndum.
Jafnframt var haldinn aðalfundur S. N. B. í stjórn þess
voru kosnir Björn Daníelsson skólastjóri Sauðárkróki,
formaður, Garðar Jónsson skólastjóri Hofsósi og Magnús
Bjarnason kennari Sauðárkróki.
Á mótinu fluttu þessir menn erindi fyrir almenning:
Helgi Elíasson fræðslumálastjóri: Skólalöggjöfin og
framkvæmd hennar. Dr. Broddi Jóhannesson: Að vera
maður. Dr. Matthías Jónasson: Starfrænt nám og greindar-
mælingar.
Fyrir kennurum voru þessi erindi flutt:
Hannes J. Magnússon: Úr utanför. Dr. Broddi Jóhann-
esson: „Gömul vísa.“ Jóhannes Óli Sæmundsson kennari:
Um reikningskennslu o. fl. Sigurður Gunnarsson skóla-
stjóri: Um starfsuppeldisfræði og kennslu byggða á henni,
tvö erindi. Snorri Sigfússon námstjóri: Sparifjársöfnun í
skólum. Helgi Tryggvason kennaraskólakennari: Söngur
og söngkennsla í barnaskólum. Þorsteinn Einarsson
íþróttafulltrúi: Um íþróttir og hagnýta beitingu líkams-
orkunnar. Matthías Þorfinnsson og Stefán Ól. Jónsson:
Starfsíþróttir.
Samþykktar voru ályktanir og tillögur um þessi efni:
1) Að efna til skynsamlegrar samvinnu presta og kenn-
ara um kristindóms- og uppeldismál.
2) Að miða reikningskennslu í barnaskólum eingöngu
við það, að hún verði traust undirstaða að þátttöku ung-
linga í daglegum störfum og atvinnulífi þjóðarinnar. Var
skorað á fræðslumálastjórn að stuðla að samningu og út-
gáfu hentugrar kennslubókar í reikningi.
3) Skorað var á yfirstjórn fræðslumálanna að hlutast
til um, að teknar verði upp við Kennaraskólann leiðbein-
ingar í vinnukennslu á grundvelli starfsuppeldisfræðinn-
ar, og til þess var mælzt við fræðslumálastjórn og stjórn
S. í. B. að afla gagna, er til slíkrar kennslu þarf.