Almanak Ólafs S. Thorgeirssonar - 01.01.1931, Blaðsíða 24
22
fljótsbygðin, er þannig var útmæld, að sem flest
liús gætu staðið nærri bökkum fljótsins, og land-
kostir þar enda svo góðir, aö hver bújörð, svo að
segja, var þegar tekin, og reis þarna mjög fljótt upp
þétt bygðarlag, beggja megin íslendingafljóts, er
varð snemma á tíð affarasælt og blómlegt landnám.
Nú eru þrír allstórir bæir í Nýja-íslandi, Gimli,
Riverton og Árborg. Hinn síðasttaldi þeirra lang
yngstur. Stendur hann á bökkurn íslendingafljóts,
um fimtán mílur suðvestur af Riverton, í hinni svo-
nefndu Árdalsbygð, er hófst með innflutningi fólks
frá Dakota og víöar að, laust eftir aldamót síðast-
liðin.
Jóhann Briem er einn af tíu börnum þeirra merk-
ishjóna, Ólafs timburmanns Briem og Dómhildar
Þorsteinsdóttur frá Stokkahlöðum, er bjuggu á
Grund í Eyjafirði. Ekki er eg nú með öllu viss um
aldursröð þeirra Grundarsystkina, en tel þau hér
upp, að mestu eftir aldri, að því er eg frekast veit:
(1.) Sigríður, kona séra Davíðs prófasts Guð-
mundssonar á Hofi í Hörgárdal. Þeirra sonur var
Ólafur Davíðsson, bráðgáfaður fræðimaður; dó ung-
ur. Dóttir þeirra, Ragnbeiður, giftist Stefáni bónda
og fyrrum alþingismanni Stefánssyni í Fagraskógi.
Sonur þeirra hjóna er Davíð Stefánsson skáld, eitt
af höfuðskáldum þjóðar vorrar nú á íslandi. — Son-
ur þeirra séra Davíðs og Sigríðar er og Guðmundur
bóndi á Hraunum í Fljótum.
(2.) Eggert Ó. Briem, prestur á Höskuldsstöð-
um á Skagaströnd, fræðimaður og skáld. Látinn
fyrir mörgum árum.
(3.) Haraldur Briem, bóndi á Rannveigarstöðum
í Álftafirði, í Suður-Múlasýslu. Var hann vitsmuna-
maður og skáld, sem þeir frændur fleiri; hafði hann
kynt sér lögfræði og tók oft að sér flutning mála
í héraði. Þótti hann óvenjulega séöur og slyngur
sem málaflutningsmaður og vann, að sögn, flest mál