Almanak Ólafs S. Thorgeirssonar - 01.01.1931, Blaðsíða 53
51
Ingibjörg Ingólfsdóttir, Sigmundssonar frá Skálá í
Sléttuhlíð, en móðir hennar var Ingibjörg, dóttir
Benjamíns bónda á Mársstöðum í Vatnsdal, og fyrri
konu hans Agnesar. Ólöf er dugnaðar- og ráðdeild-
arkona. — Til Vesturheims fluttu þau Eiríkur árið
1901, og settust að í Winnipeg. Fluttu þaðan til
Gimli. Á þetta land fluttu þau árið 1902, og bjuggu
þar í 11 ár. En 1914 seldi Eiríkur landið og keypti
þá 60 ekrur af landi í Geysisbygð, sem kallast
Fögruvellir. Þar hefir hann húsað vel, og hafa þau
hjón búið þar síðan og una vel hag sínum.
Átta börn hafa þau hjón eignast. Láfandi eru
þessi: 1. Ingólfur, giftur Júlíönu, dóttur Helga
bónda Ásbjörnssonar á Helgastöðum í Mikley, þau
búa við Riverton og eiga nú 7 börn; 2. Margrét Sól-
veig, gift John Bedford Thompson, af enskum ætt-
stofni, þau búa í nánd við Bellis, Alberta; 3. Sig-
mundur, giftur Kristínu, dóttur Halls Þorvarðar-
sonar, bónda í Geysisbygð; þau eru búsett í Árborg;
stundar hann þar húsabyggingar og ýmsa laðra
smíðavinnu; 4. Jóhanna Sigurlína, hún var gift
Marilíusi Erlendssyni frá Hálandi í Geysisbygð.
Hún misti hann eftir fárra ára sambúð. Stundar
hún nú skólakenslu vestur í Alberta.
Eiríkur Jóliannsson er greindur maður í beztfc'
lagi og er prýðis vel máli farinn, frjáls og skýr í
skoðunum sínum, fróður og víðlesinn. Heimili i
stundar liann vel og fer vel með skepnur sínar, sem
er einkenni manndáða og drenglyndis. Og konan
á þar góðan þátt í því atriði. —- Landnámsbýlið
nefndu þau Héraðsdal. Því “röm er sú taug er
rekka dregur föðurtúna til”.
Landnemi, lot 17.
Gúðrún Ingólfsdóttir. — Árni hét maður hennar
liann var son Jóns söðlasmiðs frá Jaðri á Langholti
í Skagafirði. Faðir Guðrúnar var Ingólfur bóndi í