Prestafélagsritið - 01.01.1933, Blaðsíða 19
Prestafelagsritiö.
Biblíulestur.
13
hollustu fæðu að bjóða, sem ekki á að sitja á hakanum
fyrir öðrum lestri.
í því sambandi má benda á söguna, sem Henry Drum-
mond segir í einu af víðlesnasta riti sínu, ritinu, sem
hann nefndi „Mestur í heimi“, og mörg yðar eflaust kann-
ist við. Það kom út í ágætri íslenzkri þýðingu árið 1891.
Hann segir þar frá manni, sem lesið hafi 13. kapítul-
ann í fyrra bréfi Páls til Korintumanna og breyzt við
þann lestur og orðið að nýjum manni. Drummond
segir, að maður þessi hafi lesið þennan „lofsöng kær-
leikans“ einu sinni í viku í þrjá mánuði samfleytt —
og að áhrifin hafi orðið þau, að líferni mannsins hafi
breyzt og orðið alt annað við þann lestur.
Það má því eindregið ráða mönnum til að lesa í Bibl-
íunni, og það í sambandi við bænastund hvers dags. Þá
ráðleggingu byggi ég ekki einungis á annara reynslu,
heldur einnig á minni eigin reynslu um margra ára skeið.
Biblían hefir þá fjársjóði að geyma, sem ekki mega liggja
ónotaðir eða lítt notaðir. Og hver sá, er leitar þeirra með
einlægum huga og vill njóta við þann lestur leiðsagnar
Krists, mun finna æ meir og meir af þeim fjársjóðum,
sem í Biblíunni felast.
Væri ekki undarlegt, ef kristnir rnenn gætu ekki lesið
N. t., sér til gagns, þar sem margir ekki kristnir menn
hafa gleði af að lesa það, dást að því og reyna að lifa
því samkvæmt, eins og áður hefir verið minst á í sam-
bandi við bók Stanley Jones.
Annars er merkilegt að lesa hjá þeim höfundi, hvern-
ig hugir manna á Indlandi hafa á síðustu árum opn-
ast fyrir því, að kristindómurinn væri Kristur sjálfur.
Stanley Jones segir, að fjöldi mentaðra Indverja hafi á
siðustu árum gjört þá uppgötvun, að Kristur og kristin-
dómur sá, er þeim var boðaður, væri ekki eitt og hið
sama. Þeim hefir verið boðaður kristindómur i búningi
Vesturlanda, í hugsanabúningi vestrænnar menningar,
sem þeir hafa átl erfitt með að veita viðtöku. Fjöldi hinna