Eimreiðin - 01.04.1931, Page 82

186
RAUÐA DANZMÆRIN
eimreiðiN
mennirnir hafa skotið á hana. Síðan kemur elskhuginn til
bjargar. A sama hátt var sagt, að Mata Hari hefði komist
undan. Liðsforingjanum, sem sá um aftökuna, átti að hafa
verið mútað til að láta nota tómt púður, ennfremur átti varð-
mönnunum, sem bundu Mötu Hari, að hafa verið mútað til
að binda hana svo laust, að líkami hennar félli til jarðar,
þegar skotin dyndu. Þetta átti að hafa verið gert til þess, að
hersveitirnar, sem áttu að ganga fram hjá henni eftir aftök-
una, yrðu einskis varar. Því uppréttri hefði henni veizt erfið-
ara að Iátast vera dauð, með því að hermennirnir, sem fram
hjá gengu, hefðu þá séð í andlit henni. Kistan átti að hafa
verið þannig gerð, að nóg loft kæmist inn um hana, og hún
sett í grunna gröf, svo að moldin yrði ekki til miska. Eftir
allan þenna undirbúning var það ekki nema létt verk oð
löðurmannlegt fyrir Mortissac að bjarga danzmeynni og flytja
hana eitthvað á afvikinn stað og síðan úr landi.
Þannig var sagan, sem gekk manna á milli í París. Menn
þóttust nú skilja, hve aðdáanlega róleg Mata Hari var á undan
aftökunni. Mata Hari vissi sem sé, að hún þyrfti ekki annað
en leika sitt hlutverk vel, eins og grassvörðurinn á aftöku-
staðnum í Vincennes væri sama leiksviðið eins og hún hafði
svo oft danzað á í Olympiu-leikhúsinu. Alt þetta sýnir, hue
kviksögur eru fljótar að myndast, þegar hugir manna eru í
uppnámi, og hve þessar kviksögur verða að staðreyndum 1
hugum fólks. Fjöldi fólks trúði þessari æfintýralegu uridan-
komu Mötu Hari, og enn þann dag í dag mætir maður á
götunum í París gömlum aðdáendum rauðu danzmeyjarinnar,
sem eru reiðubúnir til að vinna eið að því, að sagan sé sönn.
En sé hún ósönn, hvernig stóð þá á tómu gröfinni? Eins
og venja er til við aftökur, höfðu yfirvöldin boðist til að láta
af hendi lík fangans, en enginn gaf sig fram til að hirða það,
svo það var grafið í skyndi. Þegar það vitnaðist, að enginn
hafði gert kröfu til að fá líkið, bað læknaskóli einn um leyfi
til að hirða það til skurðar, og sýndu yfirvöldin vísindunum
þá velvild að leyfa þetta. Var líkið síðan grafið upp og flutt
á líkskurðarstofu skólans. E n d i r.