Uppeldi og menntun - 01.09.1993, Síða 101

GUÐRÚN I. GUÐMUNDSDÓTTIR, RAKEL GUÐMUNDSDÓTTIR
Uppeldi karla og kynhlutverk þeirra stuðlar að því að umhyggjuhlutverkið er
þeim ekki eins tamt og konum. Hugsanlegt er að margir karlar hafi ekki þá sterku
kynferðisvitund sem er forsenda þess að þeir geti leitað út fyrir það sem samfélagið
telur karlmannlegt. Ekki ber þó að skilja þetta þannig að karlar séu sneyddir öllu
næmi á tilfinningar og því að geta sýnt öðrum umhyggju, heldur treysta þeir sér
síð'ur en konur til þess að sýna á sér þessa hlið í vinnunni.
Um leið og karlar óttast þetta hlutverk sem er þeim tiltölulega framandi þá leita
konur í það vegna þess öryggis sem það veitir þeim. Þetta rennir stoðum undir þá
hugmynd að konur kjósi fremur að kenna á yngri aldursstigum og karlar á þeim
eldri.
LOKAORÐ
Niðurstöður athugunarinnar hafa gefið ákveðnar vísbendingar um að konur treysti
sér síður í kennslu á unglingastigi en karlar. Einnig kom í ljós að kennarar og
kennaranemar telja karlmannleg einkenni í fari kennara á unglingastigi líklegri en
þau kvenlegu til að ná góðu lagi á unglingum en nemendur töldu kvenleg einkenni
í fari kennarans hinsvegar mun líklegri til þess. Því virðast skoðanir þessara hópa
talsvert ólíkar og er það athyglisvert þegar haft er í huga það mikla samstarf sem
gert er ráð fyrir að sé fyrir hendi milli kennara og nemenda.
Ýmsar spurningar vöknuðu í þessari ritgerðarvinnu. Hver er hin raunverulega
staða kvenkennara í grunnskólum á Islandi? Hvað er hægt að gera til að styrkja
sjálfstraust kvenkyns kennaranema í Kennaraháskóla Islands? Hefur kennara-
menntun á einhvern hátt brugðist skyldum sínum?
Samkvæmt þessum vísbendingum virðist vera full ástæða til að styrkja sjálfs-
traust verðandi kennara, sem eru að meirihluta konur, með einhverjum ráðum.
Nám í sjálfsstyrkingu þyrfti að vera liður í kennaranámi þannig að óttinn við að
„geta ekki hamið liðið" angri væntanlega kennara síður. Það er hins vegar ánægju-
legt að viðhorf nemenda skuli vera svo hlutlaust í garð kynjanna því eins og einn
nemandi sagði: „Það er persóna hvers og eins sem skiptir máli - ekki kynið."
99