Iðunn : nýr flokkur - 01.10.1934, Qupperneq 79

IÐUNN
Kommúnismi og kristindómur.
365
kommúnistar, sem auðvitað eru i flestum tilfellum
stórum þröngsýnni en Lenin og aðrir foringjar þeirra,
stofna með sér guðleysingjafélög til að vinna á móti
trúarbrögðum með trúarlegri ákefð, þá sjá og skilja
aðrir vitrari menn, að kommúnisminn er ekkert annað
en trúarbrögð út af fyrir sig — hreyfing borin uppi af
trúarlegum hita og bygð á trúarlegum forsendum.
Þetta hafa gáfaðir bolshevikar, eins og rithöfund-
urinn Anatoly Lunacharsky og skáldið Maxim Gorki,
skilið og viðurkent afdráttarlaust. Lunacharsky kemst
t. d. þannig að orði í riti sínu: -»Trú og jafnaðar-
stefna«: »Sem heimspeki er marxisminn nýtt, samfelt
trúarlegt kerfi«.*) »Það þýðir ekkert«, segir hann,
»fyrir jafnaðarmenn, að reyna að afsaka hirðuleysi
sitt um trúarbrögðin eða fjandskap gegn þeim með
þeirri ástæðu, að orðið trúarbrögð (religion) er iðu-
lega sett í samband við afturhald. Hrein orð koma
frá hreinum vörum. Og jafnaðarstefnunni mundi verða
ávinningur að því, ef hún segði: Já, eg em ný og
voldug trúarleg hreyfing, og eg mun drekka í mig
öll önnur trúarbrögð og koma í staðinn fyrir þau, og
þannig hefja trúarbrögðin til æðri áhrifa«. Þannig
ritar nú þessi maður, sem um eitt skeið var sam-
starfsmaður Lenins, ritstjóri bolshevikablaðs og talinn
tilheyra vinstri væng bolshevikaflokksins. En hann
hafði það fram yfir Lenin, og þeir Gorki, að þeir
voru skáld og skildu þess vegna betur eðli trúarlegra
hreyfinga. Meginþorri flokksins tók hins vegar að
erfð, skilningslaust, hleypidóm Lenins gegn orðinu
»religion«, og meðan guðleysingjafélagið hamaðist af
mestum trúarfjálgleik á móti trúarbrögðum, gerðu
') Religion and Socialism, Vol. II. bls. 213.