Tímarit lögfræðinga - 01.12.1998, Page 4
dómstólar túlka lögin, auk þess sem þekking á réttarkerfinu sjálfu er mikilvæg,
en eins og kunnugt er hefur það tekið grundvallarbreytingum á síðustu árum.
Öruggt er að endurmenntunin hlýtur að verða eitt aðal viðfangsefni lögfræð-
ingafélagsins hér eftir sem hingað til. Nú á tímum tölvunnar og netsins felst í
þessu endurmenntunarhlutverki einnig að kynna lögfræðingum möguleika
þessara miðla við gagna- og upplýsingaöflun á sviði lögfræðinnar. Möguleik-
arnir eru óþrjótandi og um leið eykst mikilvægi þess að á endurmenntunarmál-
um lögfræðinga sé vel haldið.
Lögmannafélagið á tímamótum
Um þessar mundir stendur Lögmannafélag íslands á tímamótum. í vor voru
samþykkt ný lög um lögmenn, lög nr. 77/1998. Samkvæmt þeim lögum er nú í
raun lagt fyrir félagið að skipta starfsemi sinni í tvennt frá því sem verið hefur.
Aðallega mun félagið sjá um um lögbundið eftirlits- og agavald með félags-
mönnum sínum. Öllum lögmönnum er skylt að vera aðilar að félaginu vegna
þessarar lögbundu skyldu þess. Að auki er í nýju lögunum veitt heimild fyrir
því að starfrækja sérstaka deild innan félagsins til að annast önnur málefni fyrir
félagsmenn. Það sem helst kemur til álita í því sambandi er væntanlega áfram-
haldandi starfsemi þeirra þátta sem hingað til hafa verið reknir af lögmannafé-
laginu. Hér er t.d. átt við rekstur bókasafns, útgáfu Lögmannablaðsins, endur-
menntunamámskeið, rekstur sumarhúsa o.fl. Ekki verður skylduaðild að þess-
um þætti starfseminnar, sem er breyting frá því sem verið hefur, og ekki liggur
enn fyrir hvemig lögmenn almennt bregðast við þeirri nýbreytni, þ.e. hvort þeir
láta nægja að vera aðilar að hinum skyldubundna þætti félagsstarfseminnar eða
hvort þeir gerist einnig aðilar að frjálsu deildinni.
Sameinum kraftana
Ekki er skylduaðild að Lögfræðingafélagi íslands. Að þessu leyti verður að-
staða hinnar frjálsu félagsdeildar lögmannafélagsins og lögfræðingafélagsins
hin sama þegar ný lög um lögmenn taka gildi um næstu áramót. Verkefni þess-
ara tveggja félaga geta sem best farið saman. Sameining og hagræðing hvers
konar hefur verið áberandi í fyrirtækjarekstri hér á landi upp á síðkastið. Af
hverju ætti slík hagræðing ekki einnig að ná til félagasamtaka? Það er augljóst
að sameining hinnar frjálsu deildar lögmannafélagsins og lögfræðingafélagsins
undir merkjum Lögfræðingafélags íslands, félags allra lögfræðinga hér á landi,
er fýsilegur kostur á þessum tímamótum. Starfsemi hinna lögfræðingafélaganna
þriggja sem nefnd hafa verið gæti einnig rúmast í félaginu, t.d. í sérstökum
deildum þess. Með því móti mætti efla enn frekar starfsemina og myndi sú
samnýting kraftanna nýtast öllum lögfræðingum. Þannig myndi t.d. útgáfa
ýmiss konar lesefnis og fréttabréfa fyrir lögfræðinga verða markvissari og öfl-
ugri. Það mætti t.d. hugsa sér útgáfu tímarits fyrir lögfræðinga sem kæmi út
mun oftar en Lögmannablaðið gerir nú. Þannig mætti sameina í raun útgáfu
256