Tímarit lögfræðinga - 01.12.1998, Blaðsíða 17

Vegna tengsla Lögfræðingafélags íslands við BHM komst á sú regla að
stærsti hluti félagsgjalda í lögfræðingafélagnu rann til BHM m.a. til að mæta
þeim kostnaði sem hlaust af fyrirsvari BHM í hagsmuna- og kjaramálum ein-
stakra félagsmanna lögfræðingafélagsins. Eftir að beinum afskiptum lögfræð-
ingafélagsins af kjaramálum félagsmanna var hætt fór að bera á óánægju með
framlag félagsins til BHM. Var mál þetta reglulega á dagskrá á vettvangi fé-
lagsins. í skýrslu fyrir starfsárið 1986-1987 er þetta mál m.a. til umræðu. Gætir
þar mikillar óánægju með framlagið til BHM. í stjórninni kom fram að taka
bæri til alvarlegrar skoðunar hvort hætta ætti aðild félagsins að bandalaginu.
Þetta mál er aftur til meðferðar á starfsárinu 1988-89, einkum það fyrirkomulag
að hluti félagsgjalda renni til BHM. Árið eftir kom síðan fram tillaga um úrsögn
úr BHM. Á starfsárinu 1991-1992 var ákveðið að hrinda í framkvæmd úrsögn
úr bandalaginu að undangenginni allsherjaratkvæðagreiðslu sem fjallað var um
áfélagsfundi 18. september 1990.
5.3 Útgáfustarfsemi
Sem fyrr er rakið var gert ráð fyrir því í lögum félagsins að hlutverk þess
væri m.a. að stuðla að vísindalegum rannsóknum í lögfræði. Það skyldi m.a.
gert með því að styrkja útgáfu lögfræðirita.
Fyrirferðarmesti þátturinn í útgáfustarfsemi félagsins hefur verið og er útgáfa
Tímarits lögfræðinga en félagið tók við útgáfu þess árið 1960. Lögmannafélag
íslands hóf útgáfu Tímarits lögfræðinga 1951. Þá var svo ástatt hér á landi að
ekkert tímarit um lögfræðileg efni var gefið út. Lagastúdentar við Háskóla ís-
lands höfðu þá um nokkurt skeið gefið út Úlfljót en höfðu orðið að hætta útgáf-
unni um tíma m.a vegna kostnaðar. Af þessum sökum réðst lögmannafélagið í
útgáfu Tímarits lögfræðinga. Þegar Lögfræðingafélag íslands var stofnað þótti
stjórn lögmannafélagsins sjálfsagt að hið nýja allsherjarfélag lögfræðinga tæki
við útgáfu þess og hófust fljótlega viðræður milli félaganna um það. Strax frá
upphafi setti stjóm Lögfræðingafélags íslands sér það takmark að efla tímaritið
og ætla meira rými til að fjalla um margvísleg félagsleg efni varðandi lögfræð-
inga. Hefur Lögfræðingafélag íslands gefið út tímaritið allar götur síðan. Er
enginn vafi á því að það er nú mikilvægasti vettvangur umræðna um lögfræði-
leg málefni hér á landi. Fyrsti ritstjóri Tímarits lögfræðinga var Einar Amórs-
son, en hann var ritstjóri þess á árunum 1951-1953. Síðan þá hafa þessir menn
ritstýrt tímaritinu: Theodór Líndal 1954-1972, Þór Vilhjálmsson 1973-1983,
Jónatan Þórmundsson 1984-1989, Friðgeir Björnsson og Steingrímur Gautur
Kristjánsson 1990-1993, en frá 1994 hefur Friðgeir Björnsson stýrt því einn.
Þegar Tímariti lögfræðinga sleppir hefur eiginleg útgáfustarfsemi á vegum
félagsins verið lítil og hafa hugmyndir frumkvöðla félagsins því lítt gengið eftir
að því leyti. Má raunar segja að atfylgi félagsins í því efni sé ekki jafn brýnt og
áður var þar sem útgáfa lögfræðirita á íslensku er nú mun meiri og fjölskrúðugri
en var þegar félagið var stofnað. Þó er rétt að geta þriggja rita sem félagið hefur
gefið út eða staðið fyrir.
269