Tímarit lögfræðinga - 01.12.1998, Blaðsíða 5

fréttabréfa lögmannafélagsins, lögfræðingafélagsins og Lögmannablaðsins.
Auk þessa myndi Tímarit lögfræðinga sem fyrr koma áfram út sem öflugasta
fræðirit lögfræðinga sem birtir lengri greinar sem ekki eru eins háðar birtingar-
tímanum og efni það sem hin nýja útgáfa helgaði sig. Endurmenntunarnám-
skeið á vegum félagsins eða í samvinnu við Endurmenntunarstofnun Háskólans
yrðu einnig þáttur í starfseminni auk þess sem nauðsynleg tengsl lagadeildar
Háskólans við útskrifaða lögfræðinga verða markvissari. Möguleikar slíks fé-
lags eru nánast óþrjótandi og verkefnin margbreytileg. Allt þetta starf kæmi
síðan lögfræðingum öllum til góða, hvar svo sem þeir starfa.
Við erum ekki milljónaþjóð
Mörgum finnst e.t.v. að það sé ekki hægt að sameina krafta allra lögfræðinga
með þeim hætti sem hér hefur verið nefnt af þeirri ástæðu að starfssvið lög-
fræðinga séu svo margbreytileg og hagsmunimir fari því ekki saman þótt menn
hafi sömu menntun. Þetta em óþarfar áhyggjur að mínu mati. Með öflugu starfi
opnast möguleikar fyrir alla starfshópa lögfræðinga að koma sjónarmiðum
sínum og hagsmunamálum að og gerir þeim auk þess enn frekar kleift að end-
urmennta sig á nauðsynlegum sviðum lögfræðinnar.
Við lögfræðingar emm ekki nema 1200-1500 hér á landi. Það er ekkert vit í
því að brjóta þann hóp niður í smáar einingar sem allar keppast við það sama,
útgáfustarfsemi, endurmenntun o.fl. Nýtum tímamótin núna, sameinum kraft-
ana og eflum félagsstarf allra lögfræðinga undir einum hatti. Eigingjarn kotbú-
skapur sæmir ekki lögfræðingum. Alvöru félag með öflugu starfi á sem flestum
sviðum lögfræðinnar kemur öllum lögfræðingum til góða.
Helgi Jóhannesson hrl.
Formaður Lögfræðingafélags íslands.
Lögfræðingafélag
íslands
257