Búnaðarrit - 01.01.1920, Qupperneq 19

BÚNAÐARRIT
13
enn grynnra — svo að loft og sól nái sem best með
sinn gróðrarkraft til jarðvegsins og jurtanna, sem eru
að vaxa. Hinsvegar mundi jeg viija hafa vatnið nokkuð
dýpra um vetrartímann, ef því yrði komið við, meðal
annars til þess, að vatnsþrýstingin ynni betur á að
sljetta þúfurnar, með því að bæla þær niður.
Fjórdu spurningunni, um að láta vatnið flæða yfir allan
veturinn, svara jeg því, að jeg hygg, að það væri gott
á votlendi. En mjer reynist það samt svo, að gróðurinn
verði talsvert elftingarborinn, þar sem vatnið liggur yfir,
að eins veturinn, en ekki vor nje haust. Jeg hygg því,
að betra sje að veita á þetta land vortímann lika, að
minsta kosti öðru hvoru. Að vísu hefi jeg litla reynslu
með það; þó á jeg dálítið engjastykki, sem oftast liggur
undir ís allan veturinn. Þetta stykki bregst aldrei. Það
er mjög grasgefið, og gott heyfall af því, en talsvert elft-
ingarborið. Að vísu rennur einnig yfir þetta stykki á
vorin í vatnavöxtum, en það hripar vanalega fljótt af
aftur, þegar upp styttir. — Ekki hefi jeg góða trú á að
iáta vatn standa yfir válllendi að vetrinum. Mjer finst
það talsvert spilla, en mig vantar næga reynslu í þessu
efni.
Um fimtu spurninguna, að veita á að eins vor og
haust, er það að segja, að jeg hefi mjög lítið athugað
það, og get því lítið um það sagt. En sú aðferð hygg
jeg að eigi best við þurlendi (valllendi). Jeg held að gott
sje að veita stöðugt á það hausttímann, en veita svo
vatninu algjörlega af, þegar liður á haustið. Byrja síðan
aftur með vorinu að veita á, með hæfilegu miliibili, en
láta vatnið ekki liggja lengi á í einu, ekki nema 1—3
daga, en láta þá vatna vel yfir. Jeg álít ekki sem sagt
gott, að láta vatn liggja stöðugt yfir valllendi vortímann
— gróðrartímann. — Fyrst og fremst vill myndast við
það ofmikill mosi, og svo er jeg hræddur um, að allar
hinar fínni valllendisjurtir líði skaða við það, og sumar
«f til vill eyðileggist og votlendisjurtir komi í staðinn.