Búnaðarrit - 01.01.1968, Page 123
SKÝRSLUR STARFSMANNA
117
Hinn 24. júní var ég á fundi með Þykkvbæingum til
að ræða um hreinsun skurða. Árangur fundarins varð
sá, að þeir fólu mér að útvega sér skurðhreinsunarvél
frá Þýzkalandi, sem ekki hefur verið reynd hér á landi.
Vélin kom til landsins sl. haust, en það seint, að hún
varð ekki reynd.
Dagana 23. og 24. október dvaldist ég með Birni
Bjarnarsyni, ráðunaut, vestur á Snæfellsnesi til að kanna
ágreining, sem þar hafði risið upp á meðal nágranna í
sambandi við landþurrkun. Skiluðum við Björn skýrslu
um málið til stjórnar Búnaðarfélags Islands.
Að vanda annaðist ég skrifstofustjórn og skjalavörzlu
Búnaðarþings, gekk frá málum, sem lögð voru fyrir þing-
ið, og bjó Búnaðarþingstíðindin undir prentun.
Að vetrinum lauk ég áætlunum um sumar stærstvi
framkvæmdirnar samkvæmt mælingum frá undangengnu
sumri.
Ásgeir L. Jónsson.
Starfsskýrsla Ragnars Asgeirssonar
Á síðaslliðnu ári voru störf mín hjá Búnaðarfélagi íslands
að mjög miklu leyti skrifstofustörf, en um slík störf mun
ekki þurfa að skrifa langa skýrslu. Þau störf, sem vinna
þarf á skrifstofunni, hafa aukizt að mun síðustu tvö árin,
eftir að aðalskrifstofan tók að sér afgreiðslu búnaðar-
hlaðsins Freys, sem kemur út tvisvar í mánuði í um 3500
eintökum. Hvílir það starf mest á Guðmundi Jósafatssyni
og mér, með aðstoð stúlkna á aðalskrifstofunni. Þá fer
alllangur tími í útsendingu Handbókar bænda eftir hver
áramót, talsvert á fjórða þúsund eintök, sem búa þarf
vandlega um og senda í rúmlega 300 staði. Og svo sjálft
Búnaðarritið, sem kemur venjulega út tvisvar á ári, margs
konar skýrslueyðublöð til héraðsráðunauta, forðagæzlu-