Búnaðarrit - 01.01.1968, Blaðsíða 126
120
BÚNAÐARRIT
Ólafur Kristjánsson skólastjóri þa3, að safnið var stað-
sett þar.
Því miður gat ég ekki verið viðstaddur, er safnið var
opnað.
Talsverð aðsókn var að safninu þann tíma, sem það
var opið, til hausts, víst um þrjú þúsund gestir.
Ragnar Ásgeirsson.
Landgrœðslan 196 7
Verkefni Landgræðslu ríkisins voru með mesta móti á
árinu 1967.
Girt voru fimm svæði á árinu, og er Keldnahraun á
Rangárvöllum langstærsta svæðið, eða 25 km löng girð-
ing, sem umlykur fimm þúsund hektara.
Þá var girt svæði á Mývatnsöræfum (Austari-brekka)
12 km að lengd, lokið var við Haukadalsgirðingu, og var
tekið með svæði upp með Kjalvegi austanvert við
Tungufljót, lengd girðingarinnar 15 km, auk þess voru
tvö lítil svæði girt á vegum fulltrúans Ingva Þorsteins-
sonar á Biskupstungnaafrétti.
Melfræi var sáð með mesta móti á Haukadalsheiði,
Landeyjasandi, Vík í Mýrdal, Þeystareykjum og Austari-
Brekku á Mývatnsöræfum.
Tæpum 600 tonnum af blönduðum áburði var dreift
með flugvélinni, nær eingöngu innan landgræðslusvæð-
anna, eins og hér segir:
Á sandgræðsluna á Rangárvöllum 135 tonn, á túnin í
Gunnarsliolti 65 tonn, í Landsveit, Rang., 110 tonn, í
Haukadalsgirðingu, Árn., 65 tonn, í landgræðslugirðingu
í Þorlákshöfn, Ám., 65 tonn, á ýmis svæði í Þingeyjar-
sýslu 135 tonn og í Borgarfjarðarsýslu 18 tonn.
Þetta var tíunda árið, sem flugvél hefur verið notuð til
áburðardreifingar og fræsáningar, en grasfræi (túnvingli)
er sáð með áburðinum á örfoka land.