Morgunn - 01.12.1934, Side 35

M0R6UNN
161
fleirum verið sýnt meir eða minna inn í annan heim, og
þeir hafa ekki heldur getað lýst því, mörgu hverju, er þeir
sáu og heyrðu, öðru vísi en með ófullkomnum jarðneskum
orðum, táknum eða líkingum.
Einn er þó sá, sem sagt er um, á meðan hann lifði hér
á jörðu: „Enginn hefir stigið upp til himins, nema sá, sem
niður sté frá himni, Mannsins son, sem er á himnum“. Um
þennan sama er líka sagt: „Enginn hefir nokkru sinni
Guð séð; en sá eingetni sonurinn, sem er í skauti föðurins,
hann hefir sagt oss af honum“. Og loks er um hann marg-
víslega vitnað og margvíslega sýnt, að hann var lcunnugri
öðrum heimi og lífinu þar, og vissi og sagði meira og fleira
þar um og þaðan en nokkur annar á jarðríki. Og þessi hinn
sami Manns- og Guðssonur, sem allir í kristnum heimi
kannast við, Jesús frá Nazaret, hefir og sjálfur sagt um
þá „huldu dóma“, sem hann var að segja og fræða um
„hinum heimi frá“: „Vér tölum það, sem vér vitum, og
vitnum það, sem vér höfum séð“. En einníg hann varð að
nota jarðnesk tákn og dæmi, til þess að skýra, og gera
jarðneskum mönnum ýmsa „hulda dóma“ annars heims
og lífs skiljanlega; og stundum eru sumir „huldu dóm-
arnir“ þar svo ósegjanlegir, að jafnvel honum veitir erfitt
að lýsa þeim, svo að áheyrendur hans skilji, eins og þegar
hann segir: „Við hvað á eg að líkja ríki himnanna?“ „Líkt
er það þessu eða hinu“, sem er eða gerist í þessum jarð-
neska heimi. Alt, sem kristnir prestar og kennimenn hafa
sagt, segja eða munu segja „hinum heimi frá“, og um
„hulda dóma“ hans, það hafa þeir sagt, segja nú og munu
jafnan segja, í nafni Krists, eða eins og í umboði og á
ábyrgð hans, svo framarlega sem þeir vilja vera samvizku-
samir og trúir þjónar hans og lærisveinar, eða svo sem
þeir þekkja og skilja bezt hann sjálfan, orð hans og verk.
En eftir því, sem hver og einn þekkir og skilur Krist, eftir
því eru og fara skýringar hans og kenningar út af orðum
og verkum Krists. Þess vegna hafa oft margir skilið og
skýrt ýmsar kenningar, ýms orð og ummæli Jesú alger-
11