Morgunn - 01.12.1934, Síða 61

M O R G U N N
187
ert fundið til í hægri fætinum síðan, nema tvo fyrstu dag-
ana á eftir fyrnefndum fimtudegi, og hefi eg ekki stigið
eitt spor haltur síðan 23. febrúar 1933.
IV.
Þar sem eg hefi nú um nokkurn tíma haft áhuga fyrir
dulrænum málum, enda töluvert lagt mig eftir þeim og hefi
nú fengið nokkura reynslu í þeim efnum, en býst að hinu
leytinu við efasemdum, þá hefi eg gjört mér far um
að koma þessum málum svo fyrir, að eg gæti vottfest það,
sem fram hefir farið. Tek eg því penna í hönd til þess að
skýra frá atburðum, sem eg tel mikils varðandi fyrir þau
mál. Þar sem eg læt fylgja þessari frásögn minni vottorð
frá ýmsum mönnum, sem verið hafa sjónar- og heyrnar-
vottar að því, sem frá verður skýrt.
Þá vil eg einnig geta þess hér, að eg hefi haft fótaferð
frá því eg fór af Reykjahæli, þar til þann 18. febrúar s. 1.,
eins og síðar verður frá skýrt, hverjar breytingar urðu á
heilsu minni, en á þessu tímabili hefi eg oft fengið lækn-
ingastrauma frá Friðrik, og fyrir hans lækningar hefi eg
fengið bót meina minna. Því fáa jarðneska lækna hefi eg
fundið, síðan eg fór af Reykjahæli, og hafa þeir aðeins
sagt, að sjúkdómar mínir yrðu varla læknaðir.
Á eg því hinu kærleiksríka allífsafli að þakka þann
bata, sem eg hefi fengið á sjúkdómum mínum.
Skal eg þá snúa mér að því, er eg síðastliðið haust
fékk vitneskju um það frá æðri heimi, að eg ætti að liggja
rúmfastur á þessum vetri um mánaðartíma, frá því um
miðjan febrúar þar til um miðjan marz. Það kom fram, því
þann 18. febrúar s. 1. lagðist eg og lá rúmfastur til 16. marz;
var eg á þeim tíma oft mjög slæmur af uppköstum, enda
var eg orðinn svo bólginn innan, að vel sást hvað kviðar-
holið bungaði út af bólgunni.
Á þessu tímabili, frá 18. febrúar til 16. marz, fékk eg
nærri á hverjum sólarhring lækningastraum frá Friðrik
lækni; hefi eg oft áður fengið slíkan straum í veikindum