Morgunn - 01.06.1936, Side 48

42
MORGUNN
merkisprests og frá þeim atburðum, sem fyrir þau hjónin
komu, eins og frá þessu er skýrt í merku ensku blaði:
„Psychic News“. Því miður hefi eg ekki komist enn yfir
bækling þann, sem þau hjónin skrifuðu um þetta og heit-
ir á ensku: „A Modern Miracle“, því nafni, sem eg nefndi
þetta erindi mitt. En þar sem frásögn blaðsins er all-ýtar-
leg og skilmerkileg, taldi eg hana þess verða að láta yður
heyra hana.
Og svo langaði mig til að bæta þar við nokkrum at-
hugasemdum um viðhorf kirkjunnar og spíritismans í
Englandi, og þá sumt, sem stendur að nokkru leyti í sam-
bandi við þessa frásögu og við síra Elliott.
Eins og eg gat um í upphafi máls míns, þá er þessi
prestur, síra Maurice Elliott, ritari í þessu nýstofnaða
prestafélagi á Englandi til undirbúnings samfélags sáln-
anna í samvinnu við valinn hóp fremstu spíritista, þar
sem er fremst í flokki hin nafnkunna ágætiskona frú St.
Clair Stobart, sem er jafn frábær að andlegum og líkam-
legum gáfum og þreki. (Mun eg síðar skýra betur frá því).
Sennilega hefir þá síra Elliott verið einn fremstur stofn-
andi þessa félags, þar sem hann var kosinn ritari þess,
því að bæði er það, að ritari í hverri nefnd eða félagi er
tíðast kosinn sá, sem fremstur hefir verið hvatamaður eða
framkvæmdasamastur um málefni félagsins, og eins ber
saga sú, er eg hefi nú sagt um reynslu þeirra hjónanna
og afburða gáfu og mælsku hans, vott um, að slíkur mað-
ur mundi líklegur til athafna, sem til mikils mundi leiða.
Þó fylla þann flokk aðrir ágætir kennimenn, svo sem for-
maður félagsins, Sharp erkidjákni, sem er mjög há staða
í ensku kirkjunni, og enn fleiri mjög merkir prestar.
Stofnfundurinn fyrir þennan félagsskap var haldinn
í London 31. maí síðastl., og voru þar saman komnir full-
trúar frá prestafélaginu ásamt ýmsum spíritistum, sem
fúsir voru til þessa samstarfs, en það eru engan veginn
allir spíritistar á Englandi. Þeir vilja margir standa fyr-
ir utan kirkjuna (sem síðar mun sagt). Eftir umræður
J