Saga - 1993, Page 295

Frá Sögufélagi
Vegna tilkomu hins illræmda bókaskatts 1. júlí næstkomandi kemur Snga að
þessu sinni út að vori. Þar sem aðalfundur hefur ekki verið haldinn, þegar
ritið fer í prentun, er ekki að þessu sinni unnt að birta skýrslu stjórnar svo
sem venja hefur verið. I hennar stað verður í stuttu máli fjallað um starfsemi
Sögufélags frá síðasta aðalfundi, sem haldinn var í september.
Saga 1992 kom út í lok nóvember og var dreift til félagsmanna í byrjun
desember. Heftið var nær 400 blaðsíður og mjög fjölbreytt að efni. Þar er t.d.
að finna greinar um forna dómhringa, komu bandarísks herliðs til Islands
1941 og um Framboðsflokkinn 1971. Þá er að venju fjöldi ritfregna auk nokk-
urra andmælagreina.
Bókaútgáfa Menningarsjóðs og Þjóðvinafélags var sem kunnugt er lögð
niður á árinu 1992. Þessi útgáfa hafði m.a. Andvnra og Almanakið á sínum
höndum. Strax um vorið 1992 kom til tals, að Sögufélag tæki við dreifingu á
þessum ritum og varð það úr með samningi milli stjórna Þjóðvinafélags og
Sögufélags, sem gerður var í október. Almanakið kom út snemma í nóvem-
ber og Andvari í desember. Dreifing þessara rita gekk þokkalega, einkum
Almanaksins.
I desember var efnt til bókakynningar í húsi Sögufélags og var þar lesið úr
Sögu og nýjum bókum, sem til sölu voru hjá félaginu. Þá hélt Sagnfræðinga-
félagið velheppnaða fundi í húsinu. Gefið var út í desember fréttabréfið
Fréttir frá Sögufélagi. Þar var m.a. boðið upp á pakka með bókum Sagnfræöi-
stofnunar á mjög hagstæðu verði og er félagsmönnum enn bent á þá. Þessir
pakkar og auðvitað allar eldri bækur, eins og t.d. larðabókin, hækka um 14% í
júlí næstkomandi.
Fyrri hluta árs 1992 kom til tals, að Sögufélag tæki að sér útgáfu á riti dr.
Aðalgeirs Kristjánssonar um endurreisn Alþingis og Þjóðfundinn. Skyldi rit-
ið koma út í tilefni 150 ára afmælis þingsins hinn 8. mars á þessu ári. Þessi
áætlun stóðst og afhenti forseti Sögufélags forseta Alþingis ritið við hátíðlega
athöfn í fyrrum efri deildar sal Alþingis. Hér fer á eftir hluti af ræðu forseta
Sögufélags við þetta tækifæri:
Þegar Sögufélagi barst handrit dr. Aðalgeirs Kristjánssonar í hendur varð
strax ljóst, að hér var um að ræða grundvallarrit um sögu Islands á fyrri
hluta 19. aldar, sem félaginu væri heiður að því að gefa út. Höfundur hefur í
þessu verki nýtt mikla þekkingu sína á skjalagögnum og öðrum heimildum
um sögu íslands á tímabilinu 1815 til 1851 og unnið úr þeim traust fræðirit,
sem einnig er mjög aðgengilegt til lesturs. Útgáfa þessa nýja rits er einnig að