Uppeldi og menntun - 01.01.2010, Page 193

Uppeldi og menntUn/icelandic JoUrnal of edUcation 19(1–2)/2010 193
viðHorf
kennaraskipti. Listaháskólinn er meðal annars aðili að AEC (Association Européenne
des Conservatories) sem eru samtök erlendra tónlistarháskóla. Samtökin standa fyrir
mörgum fundum og ráðstefnum á hverju ári þar sem koma saman stjórnendur,
alþjóðafulltrúar og kennarar. Auk þess stýra þeir verkefnum eins og Polifonia sem
rannsakar áhrif Bolognaferlisins á tónlistarmenntun í Evrópu. Jafnframt er LHÍ þátt-
takandi í sjö norrænum samstarfsnetum. Þar vinna stjórnendur að ýmsum þáttum
tengdum listmenntun og Bolognaferlinu. Þar sem listmenntun er í eðli sínu ólík öðru
háskólanámi hefur það oft reynst flókið að aðlaga listnám Bolognaferlinu og því hefur
þessi samvinna verið afar gagnleg. Samstarfsnetin Norteas (í sviðslistum), Cirrus
(í hönnun) og Kuno (í myndlist) eru dæmi um samstarfsnet í mismunandi listgrein-
um sem Listaháskólinn er í öflugu samstarfi við. Það hefur því verið ómetanlegt fyrir
Listaháskólann, sem er lítill háskóli og eini háskóli landsins á sínu fræðasviði, að geta
tekið þátt í erlendu samstarfi og fengið styrki til þess frá Evrópusambandinu.
Regluverk mætir oft andstöðu hjá listamönnum og hafa sumir kennarar Lista-
háskólans látið í ljós þá skoðun að skrifræði Bolognaferlisins dragi úr listsköpunar-
þætti kennslunnar. Þeir hafa nokkuð til síns máls og gæta verður þess að regluverk
og umgjörð háskólastarfsins hafi ekki of mikil áhrif á faglega þætti námsins. Þá hefur
stofnanamenning þó nokkur áhrif þegar verið er að innleiða nýjar vinnuaðferðir og
ferla. Í LHÍ eru margir stundakennarar sem koma úr öðru umhverfi en skólastarfi
og það tengir skólann beint við atvinnulífið. Skólinn er frekar lítill vinnustaður, þó
nokkur nánd er milli stjórnenda og starfsfólks og stór hluti starfsfólks hefur starfað
við skólann frá upphafi. Það má segja að þar ríki eins konar grasrótarstemmning og
þægilegt er að ná til allra, ræða saman og móta sameiginlega stefnu. Nálægðin hefur
haft þau áhrif að tiltölulega auðvelt hefur verið að innleiða vinnuaðferðir tengdar
Bolognaferlinu.
Stjórnendur, fagstjórar brauta og þeir kennarar sem vinna við þróun námsbrauta og
námskeiðslýsinga í LHÍ hafa haldgóða þekkingu á Bolognamarkmiðunum. Tæplega
þriðjungur þeirra sem kenna við skólann eru kennarar í hlutastarfi, stundakennarar
og gestakennarar, sem hafa ekki eins mikla vitneskju um Bolognaferlið. Stjórnendur
hafa velt því fyrir sér hvernig hægt væri að fá þennan hóp með markvissari hætti í fag-
legt starf og þróun innan skólans. Ein leið Listaháskólans til að auka þátttöku þeirra í
skólastarfinu er að hafa fulltrúa þeirra í fagráði skólans. Einnig þarf að hafa fleiri upp-
lýsingafundi til að auka þekkingu allra starfsmanna á Bolognamarkmiðunum.
Einn þáttur í Bolognaferlinu er að efla gæðastarf innan háskólanna. Listaháskólinn
hefur undanfarin ár lagt áherslu á að þróa aðferðir til að mæla gæði skólastarfsins og
ein þeirra er könnun á afdrifum útskrifaðra nemenda. Sú könnun er lögð árlega fyrir
tvo útskriftarárganga samtímis, þá sem útskrifuðust fyrir tveimur árum og fimm árum.
Könnunin er ítarleg og kannað er hvernig nám við LHÍ hefur nýst við framhaldsnám
og störf ásamt því að skoða viðhorf einstaklinga gagnvart skólanum. Í könnuninni
vorið 2010 töldu 85% þátttakenda að námið hefði nýst þeim vel í verkefnum og störf-
um. Þeir voru einnig beðnir um að taka afstöðu til fullyrðinga um LHÍ sem mennta-
og menningarstofnun og þar kom meðal annars fram að rúmlega 80% þátttakenda
töldu að Listaháskólinn efldi framsækna hugsun í listum og menningu í samfélaginu.