Uppeldi og menntun - 01.01.2010, Side 206

Uppeldi og menntUn/icelandic JoUrnal of edUcation 19(1–2)/2010206
viðHorf
umsóknarfrestinn 1. september 2007 og var það heppilegt því óvíst er að allt hefði verið
til reiðu ef umsókn hefði þurft að fara frá háskólanum í mars það ár. Viðurkenningar-
ferlið var mikilvægt fyrir HA og átti sinn þátt í að móta gæðastarfið innan háskólans
og vekja starfsfólk til vitundar um hvað skiptir þar máli og hverjar áherslurnar þurfa
að vera. Óhætt er að fullyrða að Grettistaki var lyft á ýmsum sviðum. Í því sambandi
má nefna að háskólinn varð tvítyngdur þar sem allar mikilvægar upplýsingar og skjöl
voru þýdd yfir á ensku auk þess sem vefur háskólans á ensku var uppfærður. Enn
fremur uppfærðu allir starfsmenn vefsíður sínar með feril- og ritaskrám.
Vandséð er að Bolognaferlið hafi verið til trafala nema slíkum dómi fylgdi vantrú
á ferlið í heild sinni. Slík vantrú hefur ekki verið áberandi innan HA. Vissulega hefur
Bolognaferlið knúið kennara og stjórnendur HA til að leggja mikla vinnu í skilgrein-
ingu námsmarkmiða, samræmingu þeirra, tengsl þeirra við kennsluhætti, námsmat
o.s.frv. Að mati greinarhöfunda ríkir þó sátt um það innan HA að þessi vinna skili sér
í auknum gæðum.
Er næg þekking á Bolognaferlinu til staðar í Háskólanum á Akureyri og hvað hefur verið
gert til að mæta þörf kennara og annarra fyrir þekkingu? Starfsmenn HA hafa tekið virkan
þátt í verkefnum tengdum Bolognaferlinu allt frá upphafi og átt fulltrúa sinn í við-
komandi nefndum og starfshópum háskólanna. Það er því óhætt að fullyrða að næg
þekking er til staðar innan háskólans en nokkurn tíma hefur tekið að breiða hana út
og innleiða ákveðna þætti í háskólastarfið. Má í því sambandi nefna samspil náms-
markmiða, kennsluhátta og námsmats. Gæðaráð skipaði sl. vetur starfshóp kennara
frá öllum fræðasviðum háskólans sem ásamt gæðastjóra hafði það hlutverk að greina
stöðu innleiðingar viðmiðanna og leggja mat á fræðsluþörf innan HA vegna hennar.
Í ljós kom að skilgreiningar hæfniviðmiða fyrir námsleiðir og einstök námskeið voru í
allgóðu lagi en námsnefndir eða einstakir kennarar aðeins að litlu leyti farin að skoða
tengsl markmiðanna við kennsluhætti og námsmat. Það var einnig niðurstaða starfs-
hópsins að kennarar á öllum fræðasviðum háskólans hefðu þörf fyrir fræðslu á þessu
sviði. Þegar þetta er skrifað hefur þegar verið haldið eitt námskeið um samspil náms-
markmiða og námsmats en gera þarf betur. Í ljós hefur komið að þarna er e.t.v. erfiðasti
þröskuldurinn í allri innleiðingunni og hefur það ekki hvað síst vafist fyrir kennurum
að óljóst er hvaða kröfur eru gerðar um samhæfingu hæfniviðmiða, kennsluhátta og
námsmats. Það er því brýnt að þegar endurskoðuð viðmið um æðri menntun og próf-
gráður verða kynnt verði háskólum gert alveg ljóst hversu langt þeim er ætlað að
ganga í innleiðingu þeirra. Einnig má beina því til Bolognasérfræðingahópsins, sem
Alþjóðaskrifstofa háskólastigsins heldur utan um, að í fræðslu á hans vegum verði
lögð áhersla á samspil námsmarkmiða, kennsluhátta og námsmats.
Gæðaráð HA lítur svo á að innleiðingarferli viðmiðanna ljúki á þessu haustmisseri
(2010) þegar gert verður átak og síðasta skrefið í samhæfingu námsmarkmiða við
kennsluhætti og námsmat stigið á öllum fræðasviðum. Síðan hefur verið ákveðið að
gera innri úttekt á stöðunni í framhaldi af útgáfu náms- og kennsluskrár fyrir 2011–
2012. Gengið er út frá því að vinna við námsmarkmið sé hringferli sem alltaf má bæta
og verður niðurstaða úttektarinnar notuð sem innlegg í næsta hring.