Árbók VFÍ/TFÍ - 01.06.2003, Síða 162
A L T E C H
ALTECH JHM H F .
Leiðandi fyrirtæki á sviði
tæknibúnaðar til álvera
Jón Hjaltalín tekurvið Nýsköpunar-
verðlaunum ársins 2003 úr hendi
Páls Sigurjónssonar, formanns
Útflutningsráðs. Eiginkona Jóns,
Sonja Guðmundsdóttir, er með
þeim á myndinni.
Jón Hjaltalln var I janúar 2003
sæmdur heiðursprófessorsnafnbót
við Southern Institute of Metallurgy,
I Ganzhou, Kína.
íslenska fyrirtækið ALTECH hefur haslað sér völl á sviði
áltækni og var talsvert í fréttum á árinu vegna endurskipu-
lagningar á starfsemi félagsins og þar sem frumkvöðull
þess, Jón Hjaltalín Magnússon verkfræðingur var valinn
„Frumkvöðull ársins 2002" og fékk síðan „Nýsköpunar-
verðlaunin 2003". Þá var Jón sæmdur heiðursprófessors-
nafnbót við kínverskan háskóla, Southern Institute of
Metallurgy, í janúar 2003 fyrir framlag sitt til nýsköpunar í
áliðnaði.
Markviss vöruþróun og markaðssetning
ALTECH hefur þróað yfir þrjátíu mismunandi tæki og kerfi
fyrir álver og náð góðum árangri við markaðssetningu á
þessum tækjabúnaði. Langstærstur hluti framleiðslunnar
fer til erlendra álvera. Þannig hefur ALTECH nú þegar
afgreitt tæki til 22 af u.þ.b. 100 álbræðslum í heiminum, sem
nota forbökuð rafskaut, fyrir utan álver í Kína. Meðal
viðskiptavina ALTECH eru álfyrirtæki á borð við Alcan á
íslandi, sem keypti meðal annars fyrsta róbótann í álver
sem þróaður var árið 1987. Norðurál, álver Norsk Hydro í
Noregi, álver ALCAN í Sviss, Bretlandi og Kanada, álver
ALCOA í Ástralíu og eitt stærsta álver heims, Aluminium
Bahrain, í samnefndu landi við Persaflóa, eru einnig
viðskiptavinir ALTECH. Fyrirtækið er núna í viðræðum við
flest öll álver heims um sölu á tækjum sínum.
Tæki í skautsmiðjur álvera
ALTECH hefur sérhæft sig í búnaði sem notaður er í
skautsmiðjum álveranna. Skautsmiðjurnar eru einn
vélvæddasti hluti álvers með yfir 70 mismunandi vélar,
flutninga- og ofnkerfi. Þar fer fram samsetning forbakaðra
kolaskauta og skautgaffla með því að steypa tinda skaut-
gafflanna með bráðnu járni í kolaskautin, sem notuð eru við
rafgreininguna í kerskálunum. Eitt rafskaut endist í tæpan
mánuð í kerinu. Þá er kolefnið uppurið og skipt um raf-
skaut. Farið er með skautleifarnar úr kerinu aftur inn í
skautsmiðju. Þar eru baðleifar sem samanstanda af súráli
hreinsuð af skautleifunum og endurunnar til að setja aftur
inn á kerin. Skautleifarnar eru síðan brotnar af skaut-
1 5 8
Arbók VFl/TFl 2003