Árbók VFÍ/TFÍ - 01.06.2003, Síða 195

Þekkingarstjórnun snýst um að skipuleggja og miðla þekkingu til þess aðhún verði nýti-
legri í sókn að markmiðum fyrirtækisins.
• Þekkingarstjórnun felur í sér víðara og dýpra hugtak en orðið „upplýsingar"
• Þekkingarstjórnun byggist á sannfæringu og eldmóði
• Þekkingarstjórnun byggist á athöfnum
Vöruhús gagna
Kjarninn í þessu ferli er vel hannað vöruhús gagna. Vöruhús gagna eru til komin vegna
brýnnar þarfar á að safna upplýsingum úr mismunandi kerfum sem fyrirtæki nota við
daglegan rekstur. Auknar kröfur um upplýsingar sem settar eru saman út frá gögnum
sem liggja í mismunandi kerfum fyrirtækja hafa aukist. Vandamálið sem leyst er með
vöruhúsi gagna er að á einum stað verða til gagnamarkaðir sem hægt er að sækja í við
mat á stöðu fyrirtækisins. Við gerð vöruhúss gagna verður að taka mið af stefnu fyrirtæk-
isins og þeim lykil mælikvörðum sem stjórnendur hafa sett fram sem viðmið í daglegum
rekstri. I flestum tilvikum þegar vöruhús gagna er komið í gagnið hefur notendum
opnast ný sýn á gögn fyrirtækisins.
Mikilvægasti munurinn á vöruhúsi gagna og venjulegum gagnagrunnum er tímaþátt-
urinn. Vöruhús gagna upplýsir ekki bara hver kaupir mest, heldur líka það sem gerist á
tilteknu tímabili. Það getur m.ö.o. skapað grundvöll fyrir stefnumarkandi ákvarðanir.
Annar mikilvægur kostur er að vöruhús gagna er miðlægur söfnunarstaður upplýsinga
frá fyrirtækinu í heild sinni. I stað þess að þurfa að tengja marga gagnalindir til þess að
finna æskilegar upplýsingar þarf bara að fara á einn stað. Hér fæst aðgangur að
upplýsingum frá einstökum deildum eða fyrirtækinu í heild s.s; framleiðslu, dreifingu,
sölu, fjárhagssviði, starfsmannasviði o.s.frv. og einnig frá viðskiptavinum og birgjum,
m.a. í gegnum Internetið. Vöruhús gagna sýnir mynd af fyrirtækinu og umheimi þess.
„Gagnanám" (data mining) er ferli sem dregur mikilvægar og áður ókunnar upplýsingar
úr vöruhúsum gagna. Gagnanám er mikilvægt tól í lausnum fyrir viðskiptagreind. Með
gagnanámi er hægt að finna nýjar upplýsingar, sjá mynstur o.s.frv. sem geta styrkt
markaðsstöðu fyrirtækisins og aðgreint vörur þess. Með gagnanámi er hægt að fá meira
út úr þeim gögnum sem eru fyrirliggjandi:
Það er hægt að nota gögn gærdagsins til þess
að spá fyrir um tilhneigingar morgundagsins.
Það er hægt að finna og lýsa mynstrum sem
geta varað við breytingum á markaðnum eða
1 atferli keppinautanna.
Það er hægt að nota gagnanám til að finna t.d.
möguleika á bestu stöðu í innri ferlum sem
byggjast á vitneskju um tengsl mismunandi
verklagsreglna.
Hentugri skiptingu kostnaðar sem byggist á
þekkingu á aðgerðum.
Finna bestu möguleika á söluherferðum sem
byggjast á þekkingu á markhópum.
Finna bestu möguleika í innkaupum á grund-
velli þekkingar á birgjum og innri ferlum til
þess að ná fram sparnaði á innkaupsverði og
1 birgðahaldi.
Mynd 3 Vöruhús gagna er staðurinn þar sem
upplýsingum er safnað saman og þær skipu-
lagðar í þeim tilgangi að fá yfirsýn yfir fyrir-
tækið og starfsemi þess. Aðferðir samhæfðs
árangursmats með tilteknum lykilmæli-
kvörðum getur verið grundvöllur vinnslu í
vöruhúsi gagna.
Kynning og tæknigreinar fyrirtækja og stofnana
1 9 1