Árbók VFÍ/TFÍ - 01.06.2003, Qupperneq 283

MARKAÐSVÆÐING
RAFORKUIÐNAÐARINS
Guðmundur Ingi Ásmundsson lauk prófi I rafmagnsverkfræði frá Hl 1980. Hann lauk M.Sc. prófi í raforkuverkfræði frá
DTU í Kaupmannahöfn 1982. Guðmundur hefur starfað hjá Landsvirkjun sfðan 1982, nú sem kerfisstjóri.
GuðmundurValsson, ráðgjafi hjá Ráðorku ehf., lauk prófi (rafmagnsverkfræði frá Háskóla (slands 199l.Hann lauk
civ. ing. prófi frá DTH 1994. Guðmundur starfaði hjá Verkfræðistofunni Afli 1994-1997, var deildarstjóri raforkusviðs
Samorku 1997-2001 og starfaði sem deildarstjóri Upplýsingakerfa flutningssviðs Landsvirkjunar 2001-2002.
Steinar Friðgeirsson framkvæmdastjóri tæknisviðs Rafmagnsveitna rlkisins (RARIK) útskrifaðist frá NTH ( Þrándheimi
1973. Hann starfaði hjá Rafmagnsveitu Reykjavíkur 1972-1974, hjá Rafhönnun hf. 1974-1978 og hjá RARIK frá 1978,
fyrst m.a. sem yfirverkfræðingur áætlanadeildar en framkvæmdastjóri síðan 1984. Steinar sat í áætlananefnd NORDEL
1983-1988,1 raforkudreifingarnefnd UNIPEDE 1991-1997 og [ Networks (flutnings- og dreifikerfi) hjá Eurelectric frá
janúar 2002. Hann var formaður tækniráðs SlR 1992-1995 og leiddi nefnd á vegum Samorku 2002-2003 um mælingar
og gagnameðhöndlun við markaðsvæðingu raforkuiðnaðarins.
Tryggvi Ásgrlmsson lauk MS prófi (viðskiptafræði frá Háskóla (slands (júni 2002. Lokaverkefni hans fjallaði um
breytingar á íslenskum raforkumarkaði með tilkomu nýrra raforkulaga.Tryggvi stundaði nám I viðskipta- og rekstrar-
greinum við endurmentunarstofnun H( 1989-1990. Hann lauk BS námi í rafmagnstæknifræði frá Odense Teknikum
1982.Tryggvi starfaði hjá RARIK 1982-1984, hjá verkfræðistofunni Raftákn 1984-1985, hjá Sementsverksmiðjunni
1985-1994. en siðan þá hjá RARIK, nú síðast á markaös- og sölusviði.
Með samþykkt nýrra raforkulaga á 128. löggjafarþingi þjóðarinnar þann 15. mars 2003 og
gildistöku þeirra var heildarendurskoðun á löggjöf um vinnslu, flutning, dreifingu og
sölu raforku loksins komin í höfn, en hún hafði lengi verið í undirbúningi. Nýju
raforkulögin tóku strax gildi og koma til framkvæmda í áföngum frá og með 1. júlí 2003.
Innleiðing markaðsvæðingar raforkuiðnaðarins á Islandi er tekin í nokkrum skrefum og
hefur í för með sér verulegar breytingar á því umhverfi sem orkufyrirtækin hafa starfað
við allt frá rafvæðingu landsins snemma á síðustu öld. Nú er stefnt að því að aðskilja
flutning og dreifingu sem eru hinir náttúrulegu einkaleyfisþættir raforkukerfisins frá
vinnslu og sölu þar sem samkeppni verður innleidd.
Tækni- o g vísindagreinar
2 7 9