Árbók VFÍ/TFÍ - 01.06.2003, Qupperneq 294

Almennt séð er æskilegt, þegar hannaðir eru vegir á
skafrenningsstöðum, að hugað sé að samspili snjó-
moksturs og veghönnunar. A fjallvegum í Noregi er
víða farið að hanna vegi þannig að notkun snjóplóga
og snjóblásara utan vegarins sé möguleg. Með því
móti næst að viðhalda því þversniði sem hannað er
og endurheimta söfnunarrými fyrir fokskafla utan
vegar.
PerspectiveAO
Niðurstöður vindhermana bentu til þess að í háum,
bröttum skeringum geti verið heppilegt að breikka
skeringarnar til endanna. Með þessu móti er reynt að draga skafl
sem oft leggst yfir veginn við enda skeringarinnar burt frá veg-
inum (Mynd 6). Líklegt er að þetta fyrirkomulag dragi einnig úr
snjókófi á veginum við enda skeringarinnar. Brött skering sem
hönnuð er eftir þessari hugmynd ætti að fylgja bogaferli í láréttu
plani og gefa þannig ávalar línur sem falla þetur að landslagi en
hefðbundin skering með föstu kennisniði. Höfundur var til ráð-
gjafar við hönnun skeringa við nýja Þjórsárbrú og fylgja þær þeirri
hugmynd sem hér er lýst.
Mynd 6. Niðurstöður vind-
hermana við veg með
brattar skeringar.
Mynd 6 sýnir niðurstöður vindhermana við veg sem hefur brattar
skeringar á hvora hönd. Efst er perspektív af hefðbundinni hönn-
un (AO), í miðið eru niðurstöður fyrir hefðbundna beina skeringu
og neðst eru niðurstöður fyrir skeringu sem breikkar til endanna.
Vindstefna frá efra vinstra horni, 30° miðað við stefnu vegar.
Straumlínur sýna leið hvirfils undir skeringu og hvítstrikuðu
svæðin tákna lægsta vindhraða.
Lokaorð
Samkvæmt viðtölum við rekstrarstjóra Vegagerðarinnar víða um
land er algengt að staðbundin skafrenningsmál valdi hættu, töfum
og auknum rekstrarkostnaði. Hér er um að ræða vegskeringar,
vegi á bröttum og háum fyllingum, óheppilegt samspil vegriðs og
veghönnunar og fleiri atriði. A mörgum þessara staða er hag-
kvæmt að gera úrbætur. Arið 2003 hlaut höfundur styrk úr rann-
sóknarsjóði Vegagerðarinnar til verkefnis sem fjallar um aðgerðir
gegn skaflamyndun á vegum í skeringum og er vonast til þess að
afraksturinn megi nýtast til úrbóta á þeim stöðum sem til skoðunar
eru.
Heimíldir
[1] Norem,H.f }99A.SnowEngineering forRoads.Hanöbook no. 174.Norwegian Public Road Administration,Road Research
Laboratory, Oslo.
[2] RoadEx, 2001. Winter Maintenance Practice in the Northern Periphery. RoadEx, sub project B, phase I. State-of-the-art
study report. ERDF article 10, Northern Periphery Programme.
[3] Skúli Þórðarson, 2002. Wind Flow Studies for Drifting Snow on Roads. Ph.D. thesis. Norwegian University of Science and
Technology,Trondheim.
[4] Tabler, R. D., 1994. Design Guidelines for the Control ofBlowing and Drifting Snow. SHRP-H381. National Research Council,
Washington DC.
2 9 0 | Árbók VFÍ/TFÍ 2003