Árbók VFÍ/TFÍ - 01.06.2003, Blaðsíða 306

Þjónustuhús
Húsið er 750 m2 að grunnfleti, en gólf-
flötur þess samtals 1.000 m2, þar af er
landgangur um 73 m2. Gólfhæð í
landgangi er um 11 m og í um 15,4 m
hæð yfir sjávarmáli. Landgangurinn
situr á löm á turni hússins og á
tveimur vökvatjökkum yfir hafnar-
kanti. Hann getur færst 1,7 m frá
láréttri stöðu. í húsinu er m.a.
biðsalur farþega, aðstaða tollgæslu,
s.s. til að tollskoða bifreiðar og ýmis
þjónusta við höfnina.
Götur og bílastæði
Götur eru alls um 930 m. Bílastæði eru
um 15.000 m2. Bundið slitlag er um
16.300 m2.
Brú á Fjarðará
Brúin er tvíbreið með gangbraut öðrum megin. Haflengd hennar er 28 m, magn steypu
sem í hana fór er 355 m3 , járnbendingin vegur 34 tonn og mótafletir voru 935 m2.
Framvinda verksins
Þann 31. október 2001 lá fyrir úrskurður skipulagsstjóra um mat á umhverfisáhrifum
vegna byggingar nýs ferjulægis á Seyðisfirði. Framkvæmdirnar voru heimilaðar án skil-
yrða. Sumarið 2001, meðan beðið var fyrrgreinds úrskurðar, var unnið að mælingum og
jarðvegsrannsóknum vegna fyrirhugaðra framkvæmda. Fyrsta útboðið fór fram í desem-
ber 2001 þegar boðinn var út fyrirstöðugarður og ferging, en jarðvegsrannsóknir höfðu
leitt í ljós að nauðsynlegt væri að fergja svæði þar sem mannvirki ættu að koma og
framkalla sig áður en bygging gæti hafist.
Byrjað var á fergingu á svæði þar sem rísa skyldi nýtt þjónustuhús og brú yfir Fjarðará,
en áður en ráðist var í byggingu þessara mannvirkja fóru fram botnrannsóknir auk ým-
issa annarra rannsókna og umhverfismats. Tilboð í verkið voru opnuð þann 11. desem-
ber 2001 og höfðu þá borist 11 tilboð. Lægstbjóðandi var Gáma- og tækjaleiga Austur-
lands ehf. er bauð kr. 18.125.000 sem nam 76% af kostnaðaráætlun hönnuða og var gerður
verksamningur við fyrirtækið. I verkinu fólst að keyrður var út fyrirstöðugarður og
gengið frá sigplötum. Síðan var efni dælt úr dýpkun inn fyrir garðana og sá Björgun ehf.
um það verk. Strax og búið var að dæla hluta efnis bak við garðinn hófst vinna við fargið.
Efni til verksins var tekið úr námum við suðurströnd Seyðisfjarðar utan byggðar úr
skriðum undir Strandatindi. Var annars vegar tekið efni úr skeringum meðfram vegi og
hins vegar úr námum í Borgartanga. Einnig var tekið efni í fargið úr ósi Sörlastaðaár með
dýpkunarskipi frá Björgun ehf. Aðkeyrt og dælt efni í fyrirstöðugarðinn og fargið var um
79.000 m3.
Verkið hófst í byrjun janúar 2002 og því lauk í síðari hluta apríl 2002. Verkið var nokkuð
á eftir áætlun sem stafaði m.a. af óvenjulegu hlýviðri og stórrigningum í janúar sem
gerðu verktaka erfitt fyrir. Varð að takmarka öxulþunga á vegum að námum austan
bæjarins sem varð til þess að verktaki gat ekki nýtt sér vegina. Einnig gerði bleytan það
að verkum að erfitt var að nota efnið úr Borgartanganámu.
3 0 21 Arbók VFl/TFl 2003