Frjáls verslun - 01.05.2015, Blaðsíða 73

FRJÁLS VERSLUN 5 tbl. 2015 73
M argir mikilvægir áfangar hafa náðst á þeim hundrað árum sem liðin eru síðan konur
hlutu kosningarétt, sem var mikilvægasta
undirstaðan undir frekari umbætur í ís ­
lensku samfélagi til að ná fram jafnrétti
kynjanna. Jafnir möguleikar til menntunar
eru áfangi sem náðist á nokkuð löngum
tíma. Baráttan fyrir launajafnrétti hefur
skilað miklum árangri en því miður er ekki
hægt að segja að þar sé fullum árangri náð.
Fyrir mína kynslóð tel ég að fæðingar ­
orlof karla hafi skilað mestu í kvenna bar ­
áttunni. Jöfnun fjölskyldu ábyrgðar var þá
fyrst möguleg í raun. Sú staða að karlar og
konur taki jafnan þátt í uppeldi barna sinna
gefur þeim að því leyti jafna möguleika á
vinnumarkaði.“
Hvaða framfarir ertu ánægðust með í
rekstri Atlantsolíu á undanförnum árum?
„Við höfum lagt áherlsu á að byggja upp
sterkara dreifinet með fjölgun stöðva,
nú síðast í Stykkishólmi og Egilsstöðum.
Þannig getum við nú sagt án vandkvæða
að viðskiptavinir okkar komast hringinn
á eldsneyti frá okkur. Að sama skapi
teljum við að sú þróun bifreiðaeigenda að
velja mannlausar stöðvar haldi áfram og
mönnuðum stöðvum muni fækka enn frekar
um leið og ómönnuðum stöðvum fjölgar.
Við viljum veita viðskiptavinum okkar góða
þjónustu og gera eldsneytis kaup einföld og
fljótleg. Í því samhengi höfum við á liðnum
árum verið í farar broddi með að kynna
fyrir neytendum nýjar lausnir eins og t.d.
dælulykilinn og tölvu póstskvittanir.“
Hver telur þú vera brýnustu verkefni á
borðum íslenskra stjórnenda um þessar
mundir?
„Breytingastjórnun er jafnan eitt mikil ­
vægasta verkefnið innan hvers fyrirtækis.
Sífelldar breytingar í viðskipta­ og tækni­
umhverfi kalla á að fyrirtæki verði sífellt
að vera að breyta sér í samræmi við það
umhverfi sem þau hrærast í.“
Hvað líkar þér almennt best í fari
stjórnenda og leiðtoga?
„Þegar stjórnendur geta sett sig inn í mis ­
munandi aðstæður, hlustað á umhverfi
sitt og tekið mið af því en eru jafnframt
stefnufastir og ákveðnir.“
Hver telur þú vera brýnustu verkefni innan
atvinnulífsins um þessar mundir?
„Brýnustu verkefnin núna eru að koma
ró á vinnumarkaðinn og jafnframt að
gæta þess að þensla verði ekki umfram
væntanlegan hagvöxt.“
Hvaða konur hafa verið þér fyrirmynd í
stjórnun?
„Ég sé ekki ástæðu til að nefna neina sér ­
staka. Það er í sjálfu sér hvetjandi að sjá vax
andi fjölda kvenna í stjórnunarstöðum og
ýmsum ábyrgðarstöðum í samfélaginu.“
F æð ingarorlof
karla mikilvægt í
kvennabaráttunni
Guðrún Ragna Garðarsdóttir,
framkvæmdastjóri Atlantsolíu
Iðnaður, bílar, vErslun o.Fl.
Guðrún Ragna Garðarsdóttir. „Þegar stjórnendur geta sett sig inn í mis munandi aðstæður,
hlustað á umhverfi sitt og tekið mið af því en eru jafnframt stefnufastir og ákveðnir.“