Frjáls verslun - 01.05.2015, Blaðsíða 169

FRJÁLS VERSLUN 5 tbl. 2015 169
keppni um Geysissvæðið og
lýsingar verðlaun Ljóstækni ­
fé lags Íslands fyrir lýsingu á
Akratorgi.
„Við erum svolítið upptekin
af fjölbreytileikanum og tök­
um að okkur margs konar
verkefni,“ segir Áslaug Trausta ­
dóttir landslagsarkitekt, fram ­
kvæmdastjóri og einn eigenda
Landmótunar. „Við leggjum
áherslu á lýðheilsu í hönnun
okkar sem skiptir miklu máli
og viljum við taka þátt í að
bæta umhverfið þannig að fólki
líði vel. Í dag erum við að sjá
niðurstöður rannsókna á sviði
umhverfissálfræði sem sýna að
umhverfi hefur áhrif á lang ­
tíma heilsu. Meira að segja bara
það að vita af fallegu útisvæði
í nágrenninu hjálpar þótt
viðkomandi noti það aldrei.“
Áslaug segir að starfsmenn
Landmótunar leggi áherslu á
gott samstarf við verkkaupa og
not endur. „Það er í rauninni
mottó okkar að vinna með
þeim. Við lítum á hönnun sem
samtal og ferli sem tekur tíma
og ekkert gerist nema í gegn ­
um þetta samtal. Það skiptir
ekki máli hvort um sé að ræða
hönnunarverkefni eða skipulag.“
umhverfi fyrirtækja
Starfsmenn Landmótunar hafa
talsverða reynslu af hönnun
fyrirtækjalóða en sífellt meira er
um að sérfræðingar séu fengnir
til slíkra verkefna.
„Lóðin er náttúrlega andlit
fyrirtækisins en það er kannski
ekki alltaf nægileg áhersla lögð
á það,“ segir Áslaug. „Vandað
umhverfi tengist líka vellíðan á
vinnustað.“
Ferlið við hönnun fyrirtækja ­
lóðar felst almennt í því að
vænt an legur viðskiptavinur
hefur samband við Landmótun,
starfsmenn þar fá upplýsingar
um út á hvað verkið gengur og
líta á staðinn áður en kostnaðar­
eða tímaáætlun er gerð. „Síðan
fáum við hugmyndir, væntingar
og vonir frá viðskiptavinunum
og er tillaga síðan unnin út
frá því. Fyrirtæki mættu alveg
vera duglegri við að vanda sig
við útivistarsvæðin en gerðir
hafa verið margir skemmtilegir
hlutir innanhúss síðustu ár.
Þetta þarf að fara alla leið.
Undir stöðuatriðið er að fólk
nýti sér alla þá möguleika sem
það hefur hvað lóðina varðar.
Auðvitað er mikilvægt að geta
lagt bílum nálægt inngöngum en
það geta verið fleiri kostir. Sums
staðar er möguleiki á að búa til
skemmtilega aðstöðu á bak við
hús eða eftirtektarvert svæði
við inngang. Þetta þurfa ekki að
vera stór svæði.“
Áslaug bendir á að steypan sé
skemmtilegt efni sem hægt er
að leika sér með auk þess sem
hægt er nota ýmsa liti í steypuna
og nota íslenskan náttúrustein í
bland við einfalda steypta fleti.
„Við leggjum líka áherslu á að
hanna umhverfið þannig að það
henti öllum og vinnum til dæmis
oft að hæðarsetningu þannig
að ekki þurfi þrep við innganga
eða sérstaka rampa fyrir
hreyfihamlaða. Það er hluti
af góðri hönnun að virð ing sé
borin fyrir notendum og að
öllum viðskiptavinum finnist þeir
velkomnir. Þetta á við alls staðar;
við banka, verslanir, skrifstofur,
opinberar byggingar, hótel sem
og aðra ferðamannastaði.“
Einfaldleiki
Aðalheiður E. Kristjánsdóttir,
landslagsarkitekt og einn eig­
enda Landmótunar, segir að við
hönnun fyrirtækjalóða sé horft
til þess um hvers konar fyrirtæki
sé að ræða. „Við viljum alltaf
draga fram einkenni og ímynd
viðkomandi fyrirtækja um leið
og horft er á umhverfið og
bygginguna sem eina heild.“
Þegar kemur svo að útliti og
stíl í lóðahönnuninni segir Aðal ­
heiður að áherslan hafi verið á
einfaldleika og vönduð efni.
Hvað gróðurval varðar þá
hefur verið vinsælt að vera
með tré, blómstrandi runna
eða þekjandi plöntur sem
loka yfirborði beða sem þýðir
minna viðhald með tímanum.
Reyni viður hefur t.d. verið
vinsæll að undanförnu. Reynir
blómstrar á vorin og státar af
berjum og fallegum haustlitum.
Þá hafa ávaxtatré verið vinsæl
undanfarin ár. Aðalheiður
segir að þegar gróður sett er á
fyrirtækjalóðum séu stundum
valdir litir sem tengjast lógói
viðkomandi fyrirtækis. „Það má
líka benda á að þar sem er lítið
pláss eru margir möguleikar á
notkun klifur plantna sem geta
gefið um hverfinu skemmtilegan
karakter og myndað græna
skjólveggi.“
blandaður vinnustaður
Eigendur Landmótunar eru
fjórir, tvær konur og tveir
karlar. Áslaug og Aðal heið­
ur eru í forsvari fyrir fjárhag
fyrirtækisins en eigend ur
skipta með sér ábyrgð. „Svo
skiptumst við fjögur á um að
taka að okkur framkvæmda­
stjórastöðuna.
Karlkyns meðeigendur
okkar hafa sagt að við rekum
fyrirtækið eins og hagsýnar
húsmæður; við höfum verið
uppteknar af því að reka fyrir ­
tækið vel – við héldum utan
um það alla kreppuna en við
fengum fjármálin í fangið þegar
fram kvæmdastjórinn sagði
sjálf um sér og bókaranum upp.
Við leggjum áherslu á að starfs ­
mönnum líði vel í vinnunni og
leggjum mikið upp úr samvinnu
og samtali til að ná fram frjórri
umræðu um verkefnin. Auk
þess förum við saman í ferðir,
plönkum í hádeginu og grillum á
svölunum. Við erum líka svolítið
upptekin af því að Landmótun
sé blandaður vinnustaður,
bæði hvað varðar kyn og aldur
starfsfólks.“ Starfsmenn eru tólf
– sjö konur og fimm karlar.
„Við erum svolítið upp ­
tekin af fjölbreytileikan­
um og tök um að okkur
margs konar verkefni,“
segir Áslaug Trausta ­
dóttir landslagsarkitekt,
fram kvæmdastjóri og einn
eigenda Landmótunar.
Landmótun var stofn uð árið
1994 utan um stórt skipu ­
lags verkefni eða Svæða ­
skipulag fyrir miðhá lendi
Íslands.
Útsýnisþrep við Svartafoss, áætlað að framkvæmd hefjist í
sumar. Unnið fyrir Vatnajökulsþjóðgarð.
Við lóð Samskipa,
skemmtilegt efnisval í
takt við hafnarumhverfi;
ryðgað stál og melgresi.
Unnið fyrir Faxaflóahafnir.