Frjáls verslun - 01.05.2015, Blaðsíða 134

134 FRJÁLS VERSLUN 5 tbl. 2015
Texti: Hrund Hauksdóttir / Mynd: Úr einkasafni
Jafnréttisumræðan of einhliða
JSB
jazzballettskóli Báru var formlega stofnaður árið 1967. Í dag er starfsemin í Lágmúla
og skólinn heitir nú Danslistaskóli jSB.
B
ára Magnúsdóttir er
stofnandi og eigandi
JSB. Þegar hún er
spurð hvað henni
finnist einkenna umræðuna
um kvenréttindi nefnir hún til
sögunnar að umræðan sé oft of
einhliða:„Það er gjarnan lögð
rík áhersla á að ræða hvernig
konum gengur á framabraut;
hvort þær séu nógu miklir frum ­
kvöðlar og hvort þær sækist
eftir hærri launum. Umræðan
samræmist ekki veruleikanum.
Það er einfaldlega samfélagið
sem þarf að breytast.
samfélagið þarfnast
breytinga
Það vantar alls ekkert upp á
getuna hjá konum en ýmsar
aðstæður þurfa að breytast
svo þeim sé kleift að klífa upp
met orðastigann og öðlast jöfn
launaréttindi. Það breytist ekki
í einu vetfangi, heldur þróast,
hægt og bítandi. Það er eðlileg
krafa frá báðum kynjum að
þjóðfélagið geri ráð fyrir því
að nýta krafta beggja aðila, að
börnin séu sameiginleg vinna
foreldra og að samfélagið
búi svo um hnútana að báðir
for eldrar geti haft jafnmikið
vinnuframlag.
þurfum að geta tekið
gagnrýni
Á vissan hátt hefur maður skiln­
ing á því þegar forstjórar tala
um að ekki sé auðvelt að hafa
konur í stjórn, þær hafi ekki
tíma til þess. Konur munu þó
alltaf setja börnin í fyrsta sæti og
þar af leiðandi eru þær yfirleitt
ekki sami starfskrafturinn og
karlmaðurinn.
Á meðan karlar verða ekki
ófrískir … ræður þú ekki karlinn
frekar í vinnu? Ef ég er t.d. að
byggja upp fyrirtæki, mikið
liggur við og ekkert má klikka,
þá ræð ég frekar karl en konu.
Ekki spurning, ég verð að velja
þann kostinn sem er betri fyrir
fyrirtækið. Og ég er kona. Ég
sem forstjóri get aldrei farið
frá mínum pósti, ef börnin mín
verða veik þarf ég að gera ráð ­
stafanir, hafa allt vel planað
fyrirfram því þetta snýst um
skipulag. En vissulega hafa ekki
allir fjármagn til þess að gera
þetta svona.
Við verðum að geta tekið
gagn rýninni á okkur konur án
þess að verða sárar og eyða
kröftunum heldur í að einblína
á hvernig við getum leyst málin
farsællega.
Ég vil sjá þjóðfélag sem býður
þegnum sínum jafnan rétt til að
nýta hæfileika sína. Við þurfum
að tala um það sem er að.
Leikskólar taka heilan mánuð
í sumarfrí, þeir eru lokaðir á
verkdögum leikskólakennara,
það eru vetrarfrí í grunn skól ­
unum – hver situr uppi með
börnin? Þetta skapast af verka ­
skiptingu í þjóðfélaginu. En
sem betur fer er þróunin smám
saman að skila sér, maður sér
t.d. að hjá yngri kynslóðum
þykir sjálfsagt að pör vinni að
sínu og þátttaka er orðin meiri í
sameiginlegu heimilishaldi. Það
styður við jafnrétti.“
listdans hluti námskrár
Hvaða árangur ertu ánægðust
með hjá fyrirtækinu á undan ­
förnum árum?
„Það er náttúrlega engin
spurn ing, það er að hafa komið
dansinum inn í menntakerfið.
Árið 2006 varð til svokölluð
listdansbraut í framhaldsskólum
en um er að ræða heila 51 ein ­
ingu upp í stúdentspróf. Nú er
listdansinn viðurkenndur sem
hluti námskrár frá mennta mála ­
ráðuneytinu. Það tók fjörutíu ár
að ná þessum áfanga.
Það sem hefur áunnist í
líkams ræktinni er að sterk vit ­
und ar vakning hefur átt sér stað
varðandi þá staðreynd að hæfi leg
og vönduð líkamsrækt stuðlar
að betri heilsu og eykur svo
sannarlega lífsgæði fólks.“
„Það sem hefur áunnist í
líkamsræktinni er að sterk
vitundarvakning hefur
átt sér stað varðandi þá
staðreynd að hæfileg og
vönduð líkamsrækt stuðlar
að betri heilsu og eykur svo
sannarlega lífsgæði fólks.“
Bára Magnúsdóttir, framkvæmdastjóri JSB.