Tímarit Máls og menningar - 01.05.1948, Side 63

IIIROSHIMA
53
og færðu sínar fórnir af heilum hug fyrir ævarandi heimsfriði —
og Japan lagði inn á nýja braut.“
IV
Grös og blóm
At.jÁnda ágúst, tólf dögum eftir að sprengjan splundraðist, lagði
faðir Kleinsorge af stað fótgangandi frá klaustrinu áleiðis til Hiro-
shima og hélt á pappatösku sinni í hendinni. Hann var farinn að
halda, að þessari tösku, sem hann geymdi í verðmæti sín, fylgdi
einhver töframáttur, eftir að hann hafði fundiö hana alveg heila og
óskaddaða í herbergisdyrum sínum, enda þótt skrifborðið, sem hún
var geymd undir, hefði kvarnazt í mola og brotin henzt út um allt
gólf. Nú bar hann í henni peninga Jesúíta-félagsins, sem hann ætlaði
að leggja inn i Hiroshima-útibú Yokohama-bankans, en það hafði
opnað skrifstofurnar á ný í hálfhrundu húsi sínu. Þegar alls var
gætt, leið honum frekar vel þennan morgun. AS vísu höfðu skeinur
hans ekki gróið að fullu á þremur eða fjórum dögum, eins og for-
stöðumaður klaustursins hafði lofað þegar hann leit á þær, en faðir
Kleinsorge hafði notið góðrar hvíldar heila viku og taldi sig nú
aftur færan um að leggja eitthvað á sig. Hann var nú orðinn vanur
þeirri hræðilegu sjón, sem blasti við honum á leiðinni til borgar-
innar: brúnflekkóttum hrísgrjónaakrinum í nágrenni klaustursins;
húsunum í úthverfum borgarinnar, óhrundum en hrörlegum, með
brotnum gluggum og aflaga tíglum; og svo, næstum alveg óvænt,
útjaðri hins fjögurra fermílna rauðbrúna sárs borgarinnar, þar sem
næstum allt hafði barizt niður og brunnið; svæði eftir svæði af
hrundum sambyggingum með óvönduðum spjöldum á stangli hér og
þar uppi á öskuhaug eða tíglahrúgu („Systir, hvar ertu?“ eða
„Björguðumst öll — búum í Toyosaka“); berum trjám og brotn-
um símastaurum; fáum óföllnum, innantómum byggingarústum,
sem aÖeins juku áhrif flatneskjunnar og eyðileggingarinnar allt í
kring (svo sem vísinda- og iðnaðarsafnið með hvelfingu sína flegna
inn að naktri stálgrindinni, eins og krufið lík; nýtízk.u verzlunar-
ráðsbyggingin og turn hennar, sem enn stendur jafn hörkulegur