Tímarit Máls og menningar - 01.11.1987, Page 65

Áfram tími!
Eldmóður er kannski mjög fallegur og allt það, en hann kemur
vísindum ekkert við, sagði hann eins og hann nennti þessu ekki
lengur. Meðan ég man — þegar þér talið um svonefnda hagræðingu
í aðflutningi steypuefnis, þá eigið þér að líkindum við fjalabrautirnar
sem þér hafið látið leggja frá vélinni. Eg er reyndar búinn að líta á
það allt saman og ég verð nú að segja, að mér finnst mesta óhæfa að
eyða brjálæðislega miklu af timbri, sem okkur vantar tilfinnanlega, í
vafasamar tilraunir af þessu tagi. Kannski leggið þér parketgólf næst,
kannki verður það þægilegra fyrir eldmóðsgarpana að bruna á því
með hjólbörurnar. Og setjið á það píanó. Eins og í dansskóla.
Ef að músík, sagði Margúlíes sallarólegur, léttir starf okkar og
hjálpar okkur til að standa við framleiðsluplanið, þá fáum við okkur
píanó.
Það rumdi illskulega í Nalbandov.
Einmitt. Eins og ég segi. Þetta er ekki byggingarvinna heldur
frönsk glíma . . .
Árni Bergmann þýddi
455