Tímarit Máls og menningar - 01.03.1999, Page 129

Guy Scarpetta
Tilbrigði og hugarspuni
um bjarta öld
Leikurinn er eina leiðin sem ég þekki til að fást við snúin vandamál.
Nietzsche
Rassakeppni
Um 1730 var Parísaróperan þekkt fyrir að vera staður nautna og ráðabruggs,
jafnvel saurlífis. Þær tvær söngkonur sem nutu hvað mestrar hylli (Pélissier
og Le Maure) voru líka, og það var á allra vitorði, dásamlega lausgyrtar hirð-
meyjar. Aðalleikkonurnar (Cartou, Duplessis) og dansmeyjarnar (hin fræga
Camargo) voru líka sagðar fremur léttúðugar og þær voru frægar fyrir
margskyns uppátæki. Semdæmi mánefnakvöldeittíjúnímánuði 1731 sem
vakti gríðarlega athygli: Gruer, aðalstjórnandi Óperunnar, hafði boðið
nokkrum vinum til kvöldverðar, þar á meðal André Campra, tónlistarstjór-
anum, og fjölda þekkta söng- og danskvenna (Duval, Pélissier, Camargo).
Sagan segir að eftir að dömurnar hafi drukkið meira en góðu hófi gegndi hafi
þeim hitnað mjög í hamsi við að syngja og dansa, og að þær hafi skyndilega
fundið hjá sér þörf fyrir að hafa fataskipti. Þar sem þær höfðu engar kven-
mannsblússur við höndina hafi þær farið í skyrtur Gruers en slepptu því
(þær sögðu að það væri svo heitt) að fara aftur í buxur sínar og pils. Skömmu
síðar, segir Barbier okkur, „var farið að rassskella þær, þær voru beðnar að
fara úr skyrtunum til að gá að því hver þeirra væri með fallegasta afturend-
ann, og þær samþykktu það.al Campra var dómarinn í þessari rassakeppni,
- og sagan segir að þar hafi hann „týnt sínum gleraugum“ ... Eins og nærri
má geta leið ekki á löngu uns keppnin snerist upp í slíkar hópsamfarir að æ
síðan kallaði almenningur Campra „gamla Sódómuborgarann". Þátttak-
endum í þessari senu (hér nota ég viljandi hugtak frá Sade) hafði nefnilega
láðst að loka gluggum í húsnæði því sem þau höfðu til afnota þannig að ná-
grannarnir urðu vitni að allri sýningunni og voru ekki lengi að láta þetta
fréttast. Atburðurinn varð efni í fjöldann allan af gamanvísum, söngvum og
gróusögum þar sem „saurlífi“ Campra var útmálað fyrir almenningi.
TMM 1999:1
www.mm.is
1 19