Árbók Hins íslenzka fornleifafélags - 01.01.2004, Blaðsíða 96

15-20 cm yfir greinilegu raski má þó sjá óraskað gjóskulag, greint sem
Heklulag frá 1341. Frá því töluvert fyrir þann tíma verða ekki greind
með neinni vissu ummerki jarðrasks eða ræktunar. Í vesturhlið sniðsins
þar sem brekkan er hvað bröttust má glöggt sjá að gjóskulögin úr Kötlu,
1357 og 1416, eru allteygð, snúin og sundurslitin. Það gæti bent til þess
að jarðvegur hafi skriðið þar fram í brekkunni.
Hér má því álykta að jarðrask vegna ræktunar hafi verið gert snemma
í Fagradal, en því hætt þó nokkru fyrir 1341. Gjóskulagið frá 1341 hefur
fallið á nokkurn veginn slétt yfirborð. Jarðraskið hefur sýnilega hafist eftir
920, en fyrir 934, enda eru merki um sundurskorið Kötlulag frá 920 og
landnámslag undir laginu frá 934. Jarðrask hefur haldið áfram eða hafist
FORNIR AKRAR Á ÍSLANDI 95
12. mynd. Loftmynd af Fagradal. Norður er upp. Akurstallarnir eru fyrir miðri mynd.
Könnunarskurðurinn er merktur sem rauður ferhyrningur í miðstallinum. Ljósmyndari
Kolbeinn Árnason.