Árbók Hins íslenzka fornleifafélags - 01.01.2011, Page 193

192 ÁRBÓK FORNLEIFAFÉLAGSINS
Líklegt er að mannvirki I hafi verið aðalíveruhúsið, og sennilega svefnstaður.
Atriði í húsagerð benda til þess. Að innanmáli er þetta hús um 15 m² og
eldstæði er í því miðju. Þarna hefði lítill hópur fólks getað hafst við, varla meira
en fjórir til sex. Talið er að algengt hafi verið á síðari tímum að þrennt væri í
seli (Jónas Jónsson 1961, 62-3). Mælt var magn fosfats í gólflögum og kom í
ljós að inni í húsinu var mun meira af ólífrænu fosfati en á rannsóknarsvæði
utan þess (Sólveig Guðmundsdóttir Beck 2007). Greining stórsærra sýna og
greining á örformgerð á gólflögum í húsinu bendir til þess að þetta ólífræna
fosfat sé einkum viðaraska úr eldstæðinu. (Ekki sáust nein brennd bein í þunn-
sneiðum.) Það sem einkennir mest búsetuna í þessari byggingu er að hún
virðist hafa verið árstíðabundin. Þunnsneiðar voru teknar með ákveðnu milli-
bili eftir húsinu endilöngu til að skoða örformgerð gólflaga. Greining þessara
Mynd 4. Gripateikningar (Teikningar: Stefán Ólafsson, Fornleifastofnun Íslands).
1 og 2: Fundur 82 úr lagi 39. Peningar úr koparblöndu slegnir fyrir Harald harðráða sem
ríkti frá 1047 til 1066; 3: Fundur 57 úr lagi 135. Glerperla frá 10.-11. öld. 4: Fundur 44
úr lagi 74. Koparhnappur eða -bóla; 5: Fundur 39 úr lagi 108. Deigla eða bolli. 6: Fundur
42 úr lagi 106. Koparspeldi eða festing; 7: Fundur 83 úr lagi 39. Járnnagli eða síll. 8:
Fundur 100 úr lagi 266. Járnnagli; 9: Fundur 77 úr lagi 188. Járnblað eða hnífur.