Árbók Hins íslenzka fornleifafélags - 01.01.2011, Side 234

TIL VEGS OG VIRÐINGAR 233
og gluggarnir virðast ljósari en litur á veggjaklæðningu. Mikilvægt er þó að
hafa í huga að svarthvít ljósmynd frá 19. öld, sem tekin er með elstu ljós-
mynda tækni og á svokallaða ortókrómatíska filmu, getur ekki sýnt blæ brigði
lita svo að túlka megi með viðunandi nákvæmni.
Gluggum á vesturhlið hefur verið breytt. Á fyrstu hæð voru tveggja
faga gluggar með 2x4 rúðum í hvorum ramma. Þetta er sama gerð og eini
upprunalegi gluggaramminn sem varðveist hefur á norðurhlið hússins og sem
einnig sést á ljósmyndinni. Gluggarnir á efri hæðinni voru með einu fagi, af
sömu gerð og sá sem nú er á austurgafli. Þeim gluggagerðum sem sjást á ljós-
myndinni er lýst í brunavirðingu frá 1844. Á gluggunum á fyrstu hæð voru
hlerar, að öllum líkindum með oka að utan þegar gluggarnir voru byrgðir.
Ekki sjást nú merki um þessa hlera á gluggaföldum á vesturgafli. Af því má ráða
að gluggafaldarnir eru ekki upprunalegir. Við norðurhliðina sést upprunalegi
inngönguskúrinn en lýsing og mál af honum eru í brunavirðingunni frá 1844.
Eftir að lokið var við rannsóknir utan húss og í fjórum herbergjum inni
hafa komið í ljós fleiri myndir af húsinu, bæði að utan og innan, sem ásamt
lita- og byggingarsögulegu rannsóknunum hafa verið mjög gagnlegar við
þær lagfæringar á Smiðshúsi sem nú er unnið að.
Mynd 4a. Austurstofa. Mynd 4b. Nærmynd af dyrafaldi í þessu herbergi. Málningin umhverfis
afskafninginn er sýnileg niður að sama málningarlagi. Bindiefnið hafði gulnað mjög mikið. Til
hægri, sama sýni tveimur árum seinna. Gulnun í bindiefni var því sem næst horfin og hægt
var að segja til um upprunalega litinn.
4a 4b