Glóðafeykir - 01.11.1974, Qupperneq 39

GLÓÐAFEYKIR
39
Vorið 1955 lézt Sigríður á Mjóafelli, móðir Jóns, en hann var
ógiftur og barnlaus og bjó eftir það með Guðrúnu systur sinni;
einnig var þar drengur, er hún átti, Haukur Gíslason; ólst hann þar
upp til fullorðinsára. Mörg börn önnur dvöldu á Mjóafelli í bú-
skapartíð Jóns, lengri eða skemmri tíma. Var sem þau ættu þar for-
eldrum að fagna. Barngæði og manngæzka fylgdu þessu fólki öllu,
hvert sem það fór, hvar sem það dvaldi. Eftir að Jón hætti búskap
var hann til heimilis á nokkrum stöðum, nú síðast í Reykjavík. Þar
lézt hann af slysförum haustið 1970.
Jón Gunnlaugsson frá Mjóafelli er nú horfinn inn fyrir fortjaldið
mikla, en vinir hans vita, að þar er ljós sem lýsir góðum dreng í
góða höfn.
Jón Guðbrandsson.