Múlaþing: byggðasögurit Austurlands - 01.01.1984, Síða 156

154
MULAÞING
fluttu að Bragðavöllum hjónin Magnús Jónsson frá Sævarenda í
Fáskrúðsfirði og Helga Jónsdóttir, fædd að Tóarseli í Breiðdal. Bjuggu
þau þarna til ársins 1868 að Magnús lést. Hann var hygginn, auðsæll og
umfram allt ósérhlífinn. Eru til um hann margar sagnir sem ekki verða
raktar hér. Benda sumar sagnanna til mikillar nísku þeirra hjóna en
undir niðri skín þó í mikla mannkosti og drengskap. (Gríma hin nýja 1.
bindi bls. 313—326). Dóttir Magnúsar og Helgu hét Kristín og giftist hún
Jóni Þorsteinssyni, sem var bróðir Helgu í Víðidal og bjuggu þau á
Bragðavöllum í rúman aldarfjórðung eða þangað til Jón lést 1896.
(Kristín lést fjórum árum áður). Erfði Helga sinn hlut í jörðinni þar eð
Jón og Kristín voru barnlaus og stóðu Bragðavellir í eyði næsta vetur.
Bauðst þeim Helgu og Jóni Sigfússyni þarna tækifæri til að komast á
góða sauðfjárjörð skammt frá verslunarstað og réð þetta úrslitum um að
Bragðavellir skyldu verða aðsetur þeirra. Munu þau öll nema Ragn-
hildur hafa fagnað vistaskiptunum og hlakkað til að komast í nágrenni
við fólk og ekki síst að fá betri aðstöðu með aðdrætti.
En á Bragðavöllum biðu Jóns Sigfússonar miklir erfiðleikar og raunir.
Mikil afföll urðu á sauðfé þeirra feðganna af völdum bráðafárs fyrstu
tvö árin á nýja staðnum. Elsti sonurinn, Guðjón, og yngsti sonurinn,
Sigfús. voru báðir heyrnarlausir og mállausir og fór Jón með þá á mál-
leysingjaskólann á Stóra-Hrauni í Arnessýslu vorið 1902 til séra Olafs
Helgasonar. Dvaldi Sigfús þar til 1908 en Guðjón kemur heim 1910, er
þar næstu tvö ár en fer þá burtu og kemur ekki að fullu heim fyrr en
1916. Árið 1904 fékk Jón þarmablæðingu, sem þjáði hann alla ævi
síðan, svo að hann gat ekki beitt sér við erfiðisvinnu. Var hann stund-
um sárþjáður og oft lasinn. Fór til að leita lækna í Reykjavík en fékk
enga bót. Sumarið 1906 var mjög óþurrkasamt en út yfir tók þann 13.
september. Þá gerði stórrigningu og hljóp skriða úr svonefndu Mið-
mundagili fyrir ofan bæinn og tók túnið hálft af. Var unnið mikið næsta
vor við að hreinsa aurinn burtu en það tókst aðeins að litlu leyti. Urðu
þau að farga kúm sínum þá um haustið. Bærinn á Bragðavöllum var að
verða gamall og ónothæfur til íbúðar og réðust þau í það að byggja nýtt
hús sumarið 1907. Slæm innflúensa kom á heimilið um vorið og tafði
fyrir framkvæmdum. Virðist svo sem Helga, kona Jóns, hafi aldrei
jafnað sig eftir þau veikindi. En húsið var byggt úr timbri og komst upp
fyrir góða aðstoð nágrannanna. Sigfús eldri hélt nokkuð þreki sínu og
starfskröftum, þótt farinn væri að fá gigtarköst og hjálpaði dyggilega til
við búskapinn en 16. maí vorið 1908 voru þeir Þorsteinn og hann að
bera rúg í vatnsmylluna og að moka út úr hesthúsinu. Var Sigfús lasinn