Ritröð Guðfræðistofnunar - 01.01.2011, Page 151

talsvert með „hina ríkjandi hönd P“ í ýmsum þáttum ritsins. I umfjöllun
sinni um björgunina við hafið (The Deliverance) greinir Meyers frá þeirri
viðurkenndu staðreynd að annars vegar er fjallað um þennan „atburð“ í
lausu máli (13:17-14:31) og hins vegar í ljóði (k. 15). Hún kannast við
í þeirri umfjöllun sinni að fyrrnefnda frásögnin samanstandi af ólíkum
heimildum og þeirra elst hafi verið J-heimildin sem kunni að hafa verið frá
10. öld f. Kr. (s. 110). Ljóðið telur hún vera frá síðari hluta 13. aldar eða
12. öld f. Kr. I þessu efni verður hún að teljast býsna fjarri afstöðu „mini-
malistanna“ svokölluðu. Hún flokkar ljóðið í 2Mós 15 sem sigurhymna og
segir að sú bókmenntagrein hafi fremur átt rætur sínar að rekja til kvenkyns
tónlistarfólks en karlkyns. Loks leggur Meyers áherslu á að Exodus sé hluti
af Fimmbókaritinu og sýnir með fjölmörgum dæmum hvernig stöðugt er
tengt við Genesis, ekki síst í upphafsköflum Exodus. I bókinni eru gagnlegir
kaflar „A Closer look“ þar sem ýmis mikilvæg atriði textanna eru tekin fyrir
til nákvæmari skoðunar. Og svo er eins konar heimfærslu að finna í fáeinum
köflum undir yfirskriftinni „Bridging the Horizonts.“ Hvort tveggja eykur
á læsileika ritsins.
í heildina tekið finnst mér þetta rit Meyers harla gott en mikilvægt
finnst mér engu að síður að hafa önnur skýringarit að styðjast við þar sem
nákvæmar er unnið með hebreska textann, vers fyrir vers. Ritið fellur hins
vegar að því markmiði ritraðarinnar The New Cambridge Bible Commentary
að ná til breiðs lesendahóps. Það hefur verið notað við kennslu í ritskýringu
í guðfræði- og trúarbragðadeild Háskóla Islands og mælst vel fyrir.
149