Skagfirðingabók - 01.01.2016, Page 36

SKAGFIRÐINGABÓK
36
sá Haraldur um að láta flytja farþega
milli Sauðárkróks og Varmahlíðar. Síðar
stofnaði hann Bifreiðastöð Skagafjarðar
ásamt Sigurði Björnssyni bílstjóra og var
stöðin með tvo áætlunarbíla og tvo til þrjá
leigubíla um tíma. Stöðin fékk sérleyfi
til farþegaflutninga milli Varmahlíðar,
Sauðárkróks og Haganesvíkur, en þaðan
fóru menn til Siglufjarðar með bátum.
Haraldur keypti 14 manna rútu sem bar
einkennisnúmerið SK 44 og var Ford,
árgerð ´31. Einnig átti stöðin fólksbíla,
Studebaker árgerð ́ 28 sem tók sjö manns,
Ford ´31 árgerð fyrir fjóra farþega, SK
24, og loks Ford ´35 módel fyrir fjóra
farþega. Þessir bílar voru naumast
notaðir nema yfir hásumarið, vegirnir
voru hreint ekki til vetraraksturs. Að
sumri komust menn fram um Mælifell á
þessum bílum, heim að Hólum, kannski
út á Skaga með herkjum. Ferðalag
til Akureyrar tók ekki undir fjórum
tímum. Ýmsir tóku að sér aksturinn, en
oftast þó Páll Sveinbjörnsson, Valgarð
Björnsson og Geirald Gíslason, auk
Sigurðar Björnssonar. Fjölferðugt var til
Siglufjarðar á sumrin þegar íbúafjöldi
bæjarins margfaldaðist á síldarvertíðinni
svo að tveir sváfu í hverju rúmi í bænum
– ef ekki fleiri. Jakobína Valdimarsdóttir
man að Valgarð maður hennar ók Jóni
Sigtryggssyni tannlækni frá Króknum
og út á Siglufjörð á K 2 eftir að
vegurinn yfir Skarðið var opnaður.
Það þótti Bjarmalandsferð. Síldarleit
var stunduð frá Miklavatni í Fljótum
þar sem sjóflugvélar höfðu bækistöð.
Þessi samgönguæð var því mikilvæg
fyrir þjóðarbúskapinn. Við þessa traffík
bættist svo Skeiðsfossvirkjun, en hún var
reist árin 1942–1945. Vegur var síðar
lagður yfir Siglufjarðarskarð, opnaður
VI
EKKI VORU bílar í Skagafirði þegar
Haraldur hóf að versla, en þeim fjölgaði
smám saman þótt vegakerfið væri ekki
burðugt. Áætlunarferðir milli Reykja-
víkur og Akureyrar hófust um 1930 og
þá tók Haraldur að sér afgreiðslu fyrir
farþega milli Akureyrar og Borgarness
fyrir Bifreiðastöð Akureyrar, BSA, sem
var með áætlunarferðir á þeirri leið og
Bílafloti sunnan við verslunina, sláturhús
K.G. í baksýn. Lengst t.v. er Ford ´35 árgerð,
K 34, síðan Ford ´31 árgerð, K 24, og loks
rúta, 18 manna af Chevrolet gerð, árgerð
´38. Bílarnir voru í eigu Bifreiðastöðvar
Skagafjarðar sem þeir Haraldur og Sigurður
Björnsson áttu. Sigurður stendur við rútuna
og hefur Bjarna Haraldsson í fylgd sinni.
Haraldur Júlíusson hjá bílnum sínum, K 24.