Skagfirðingabók - 01.01.2016, Page 99

DE MEZA HERSHÖFÐINGI OG ÍSLENDINGAR
99
London sem erindreki Danakonungs.
Meginverkefnið var að kynna sér ýmis
skjöl í leyndarskjalasafni drottningar
frá 1720, er Englendingar lofuðu að
ábyrgjast Dönum Slésvík um aldur og
ævi. Í minningargrein um dr. Grím
í Dagskrá Einars Benediktssonar 2.
desember 1896, segir Hjálmar Sigurðs-
son, kennari og ritstjóri, svo frá, eftir
Grími sjálfum: „Bannað var að rita
nokkurt orð upp úr skjölum þeim, er
geymd voru í leyndarskjalasafninu,
og var ríkt gengið eftir og gætt að útaf
þessu væri eigi brugðið. Datt mér þá í
hug að læra skjölin utanað; las eina –
hálfa aðra blaðsíðu í einu, þar til ég var
búinn að læra hana, og fór heim að svo
búnu og skrifaði eftir minni það, er
ég hafði lesið.“ Fylgir svo sögunni að
skjalavörðurinn hafi fljótlega komist
að uppátækinu og kært. Palmerston
lávarður, utanríkisráðherra Bretlands,
kom á vettvang en varð að viðurkenna,
að ekki stæði í reglugjörð safnsins neitt
bann gegn því að læra það er lesið væri
og gaf hlæjandi leyfi til að rita upp eftir
þörfum.
Þáttur Gísla Brynjúlfssonar
GÍSLI G. Brynjúlfsson var sonur dr. Gísla
Brynjúlfssonar prests, eins stofnenda
HÍB og konu hans Guðrúnar Stefáns-
dóttur amtmanns, Þórarinssonar, föður-
bróður Bjarna Thorarensen skálds. Gísli
varð stúdent frá Bessastaðaskóla 1845
og innritaður í Hafnarháskóla sama
ár í lögfræði, en meiri tími fór í annan
lestur. Las málfræði og bókmenntir, en
lauk ekki prófi, styrkþegi Árnasafns
1848–1874 og kennari í sögu Íslands
og bókmenntum við Hafnarháskóla frá
1874 til æviloka.
Þegar Grímur Thomsen kom til Bessa-
staða haustið 1843 heillaði hann Gísla
og hélst trúnaðarsamband þeirra næstu
misserin. Grímur virðist hafa komið
honum á framfæri við málsmetandi
menn í Höfn. Í fyrrnefndri bók, Nú
heilsar þér á Hafnarslóð, bls. 361, er vísað
í bréf Gísla til móður sinnar 16. mars
1846: „Það besta hús sem mér finnst
ég hafa komið í hérna það er til Major
Meza. Grímur las með honum íslensku
og bauð hann honum einn sunnudag að
taka einhvörn ungan Íslending með sér
til að borða þar. Grímur tók mig og síðan
hefur Major Meza boðið mér að koma á
hvörju fimmtudagskvöldi í „soireer“ sem
hann heldur. Hann er ógnarlega franskur
og hefur með konu sinni lengi verið í
París, stundum á kvöldin gengur þar
Grímur Thomsen.
HSk. Vis. 10524.