Skagfirðingabók - 01.01.2016, Síða 165

SIGLUFJARÐARSKARÐ OG STRÁKAVEGUR
165
Strákagöng voru lagfærð og endur-
bætt á árunum 1991 og 1992. Þá var
byggður forskáli Skagafjarðarmegin, 28
metra langur, drenlagnir endurnýjaðar,
göng fóðruð með sprautusteypu, gólfið
malbikað og sett upp ný lýsing.68
Sagan í grófum
dráttum
Í LOKIN er hér kort sem sýnir legu
Strákavegar eins og hann er nú,
gamla veginn yfir Siglufjarðarskarð og
leiðina frá Siglufirði um jarðgöng til
Nautadals og Illugastaða í Fljótum,
sem Snæbjörn Jónasson verkfræðingur
lagði mat á sumarið 1955 en frá var
horfið vegna kostnaðar. Ef til vill verður
hún farin síðar, takist ekki að tjónka
við Strákaveg. Á kortið eru merktir
erfiðustu og dýrustu staðirnir við vega-
gerðina þ.e. Mánárskriður, Herkonu-
gilið og jarðgöngin, sem byrja við
Landsendagjána Skagafjarðarmegin.
Í fyrstu var Guðmundur Benedikts-
son yfirverkstjóri við vegagerðina en
síðan tók Gísli Felixson við því embætti
og verkstjórar voru Jóhann Lúðvíksson
og Friðgeir Árnason.
Fyrsti kaflinn af bundnu slitlagi var
lagður frá Strákagöngum að Siglufirði,
árið 1983, 2,3 km langur.69 Sumarið
1997 var svo lokið við að klæða Strákaveg
bundnu slitlagi. Verktaki var Möl og
sandur á Akureyri.70
Eins og vikið er að í byrjun grein-
arinnar var það síldarútvegurinn á
Siglufirði sem kallaði á bættar sam-
göngur á landi en nú er það hin ört
vaxandi ferðaþjónusta ásamt ýmiss
konar annarri atvinnustarfsemi, sem
knýr dyra varðandi samgöngubætur og
sú staðreynd að erfitt verður og dýrt að
halda Strákavegi nothæfum.
Og nú eru alþingismenn enn einu
sinni farnir að huga að bættum sam-
göngum við Siglufjörð því í maí 2016
kom fram tillaga til þingsályktunar um
jarðgöng milli Siglufjarðar og Fljóta.
Flutningsmenn: Kristján L. Möller
(f. 1953), Össur Skarphéðinsson (f.
1953), Höskuldur Þórhallsson (f. 1973),
Valgerður Gunnarsdóttir (f. 1950),
Steingrímur J. Sigfússon (f. 1955),
Brynhildur Pétursdóttir (f. 1969), Helgi
Hrafn Gunnarsson (f. 1980), Valgerður
Bjarnadóttir (f. 1950), Hjálmar Bogi
Hafliðason (f. 1980), Katrín Júlíusdóttir
(f. 1974), Þórunn Egilsdóttir (f. 1964),
Bjarkey Olsen Gunnarsdóttir (f. 1965)
og Líneik Anna Sævarsdóttir (f. 1964).
Tillagan er á þessa leið: „Alþingi ályktar
að fela innanríkisráðherra að hefja
vinnu við nauðsynlegar rannsóknir
og frumhönnun á jarðgöngum milli
Siglufjarðar og Fljóta. Ráðherra skili
Alþingi skýrslu með niðurstöðum rann-
sókna fyrir árslok 2018.“ Í greinargerð
með tillögunni eru helstu rök fyrir málinu
þessi: Aukin umferð um Siglufjörð eftir
að Héðinsfjarðargöng komu til, jarðsig
á Almenningum og mjög tíð aur- og
snjóflóð á Hvanneyrarströnd.71 Líklega
mun mál þetta ná fram að ganga í
fyllingu tímans.
Lokaorð
STRÁKAVEGUR var ein mesta framkvæmd
þess tíma í vegamálum á landi hér. Þrátt
fyrir það hefur lítið verið skrifað um
verkið og þótti því við hæfi að rýna aðeins
í söguna. Vonandi verður þessi grein
nokkurt innlegg til sögu vegagerðar á