Breiðfirðingur - 01.04.1982, Blaðsíða 10

Torfason
Heilagur Frans
Hólmurinn
Þegar ég virði fyrir mér ljósmyndirnar frá 22. júní 1935 af
fyrstu systrunum fjórum, sem stíga á regnvota haf-
skipabryggjuna í Stykkishólmi, umkringdar forvitnum
Hólmurum, verður mér ósjálfrátt hugsað til heilags Frans, 724
árum fyrr. Þá fékk hann vilyrði páfa til þess að starfa ásamt
fáeinum félögum sínum í anda þeirrar nýstárlegu hugsjónar að
helga sig andlegum störfum, en vinna um leið fyrir sér sjálfir.
Systurnar fjórar ganga upp bryggjuna ásamt tveimur
kennimönnum, og er annar þeirra Meulenberg biskup, en spor
þess ágæta bjartsýnismanns munu seint mást út úr íslensku
þjóðlífi. Við enda hafskipabryggjunnar blasir ný og voldug
kaupfélagsbygging við komufólkinu, en til vinstri trónir sjálft
klaustrið, - sjúkrahús og kapella, eftir teikningu Sigurðar
Guðmundssonar arkitekts. Það hafði aðeins tekið tvö ár aðreisa
þetta stórhýsi.
16 ár liðu frá því að heilagur Frans yFirgaf allt heimsins glys
og hóf sitt þjónustustarf, þangað til að páfinn gaf formlegt leyfi
til þess að regla hans mætti starfa „úti í heiminum“ eins og það
hefur verið kallað. En hvað St. Franciskussjúkrahúsið í