Breiðfirðingur - 01.04.1982, Blaðsíða 33

B REIÐFIRÐIN GUR 31
við kambinn. Þeir í landi ýttu og við vorum þegar komnir undir
árar.
Ég ætla að geta þess að Jens Hermannsson, tengdasonur
Guðmundar í Nýjubúð var þarna staddur og bað okkur um far
inn í Jónsnes og var það auðsótt. Þetta var í eina skiftið, sem ég
sá Jens.
Var nú haldið inn með Eyrarodda og inn í Akureyjar og
drukkið kaffl hjá Ólöfu Sigmundsdóttur og Bjarna Jónssyni. Þá
sagði Ólöf við mig: „Ég hefi ekki séð minni mann í brók en þig,
Jónas minn“.
Nú var haldið inn í Jónsnes í logni en töluverðri báru. Þá var
ég að hugsa um hvað mamma myndi nú halda, því hún vissi
ekkert hvað um okkur hafði orðið, vissi ekki hvort við værum lífs
eða liðnir. Jens Hermannssyni slepptum við upp í Jónsnes og
héldum svo fram. Þegar við komum fram að Jónsneseyjunum
var kominn norðanstormur, en við náðum þó í Þormóðsey og
vorum þar um nóttina. Um morguninn var veðrið svolítið
hægara en kafald. Um hádegi birti upp. Þá var farið af stað og
náðum við þá heim að áliðnum degi. Var þetta þriðji dagurinn
frá því við fórum að heiman og lýkur svo þessari sjóferðasögu
minni.