Breiðfirðingur - 01.04.1982, Side 56

Leifur Grímsson
Minningar frá Kýrunnarstöðum
Jón Emil Guðjónsson skrásetti
Mig langar til að skrifa um mína ástkæru fósturforeldra,
hjónin Ásgeir Jónsson og Þuríði Einarsdóttur á Kýrunnar-
stöðum í Dalasýslu. Allt hefi ég þeim að þakka. Þau voru mér
ljós og líf á uppvaxtarárunum og raunar lengur. Alla mína ævi
hefí ég notið þeirra frækorna, sem þau sáðu í barnssál mína,
meðan ég naut þeirra hjartahlýju og foreldraumhyggju.
Lífíð var vissulega oft erfitt á íslandi um og upp úr síðustu
aldamótum. Oblíð veðrátta, vetrarhörkur og hafís - og svo
umferðarsjúkdómar, sem oft hjuggu mikil skörð í mannfólkið.
Þá var enga hjálp að fá hjá stjórnvöldum, hvorki vegna harðinda
né sjúkdóma. Samgöngur voru mjög erfiðar. I stuttu máli: Þá
varð hver að hjálpa sér sjálfur, eftir því sem geta og dugnaður
leyfði.
Nokkuð sérstæðar ástæður voru til þess að Ásgeir fósturfaðir
minn fluttist í Hvammssveitina. Árið 1856 hafði hann verið
ráðinn vinnumaður hjá Magnúsi Jónssyni í Hvítuhlíð í
Strandasýslu.
Seinni part vetrar ákveður Magnús að fara frá Hvítuhlíð og
hefja búskap í Sælingsdalstungu í Hvammssveit. Ásgeir átti þá
um tvo kosti að velja, samkvæmt þeirrar tíðar reglum - að fara
með húsbónda sínum að Sælingsdalstungu, eða greiða honum
kaupið sitt. Ásgeir valdi fyrri kostinn. Um þessar mundir var
tvíbýli í Sælingsdalstungu. Þetta sama vor réðist til hins bónd-
ans þar Þuríður Einarsdóttir frá Kýrunnarstöðum, síðar