Tímarit Máls og menningar - 01.09.2009, Blaðsíða 70

G u ð m u n d u r B r y n j ó l f s s o n
70 TMM 2009 · 3
fjóra. Mig langaði ekkert í þessa köku, ét ekki svona kökur. Gerði það
samt fyrir hana.
„Amma – þetta er kannski dáldið stór biti.“
„Þetta er bara svona biti – bara svona sneið. Venjuleg kökusneið. Þú
bara borðar þetta væna mín.“
„Já. Hvað er Belsenfangi?“
„En gyðingarnir stelpa!“
„Ha?“
„Gyðingarnir manneskja. Og ekki eru þeir svo sem betri núna, helvít-
in á þeim.“
„Ha?“
„Hvernig hafa þeir ekki hagað sér þarna gagnvart þeim mönnunum
hans Arafats heitins og Esspóla?“
„Ég veit ekki um hvað þú ert að tala.“
„Nei, það er ekkert kennt.“
„Er hvað ekkert kennt?“
„Ætlarðu að éta þessi kökusneið í dag eða á jóladag?“
„Jóladag?“
„Afi þinn drakk sjaldan um jólin en ég man að hann var fullur jólin
sem Bói bróðir dó.“
„Bíddu – er það eitthvað issue í þessu öllu saman?“
„Issjú hvað?“
„Af hverju byrjar þú að tala um það þegar að ég spurði bara um
Belsen fanga?“
„Það veit ég ekki – hvað ætli ég viti?“
„Ég meina það.“
„Á forsíðunni var mynd af Stalín á líkbörunum en helvítis Mogginn
hafði fylgst með banalegu hans og dauðastríði af meiri kostgæfni heldur
en ef hann Ásgeir okkar Ásgeirsson hefði legið við dauðans dyr.“
„Amma?“
„Já góða mín.“
„En þú, amma? Þú, hvað gerðir þú og hvað sagðir þú?“
„Ég hef alltaf lagt borðtuskurnar í klór. Ykkur er ekkert kennt. Hann
afi þinn – og þá meina ég auðvitað hann langafa þinn – var mjög vel
menntaður maður. En hann hafði ekki prófgráður, en hann las vina
mín. Hann las. Þannig var það nú bara.“
„Amma? En þú?“
„Það skorti aldrei neitt hér. Hann afi þinn – og þá meina ég auðvitað
hann langafa þinn – sá fyrir því. En við veltum okkur ekki upp úr neinu.
Það var ekki þannig“.
TMM_3_2009.indd 70 8/21/09 11:45:33 AM